A Xunta de Goberno local do Concello de Ponteareas, en sesión do 31 de outubro de 2023, aprobou inicialmente o proxecto de estudo de detalle para o mantemento do muro de peche tradicional na aliñación actual, situado na parcela de referencia catastral 36042A038001790001FL, lugar de Outeiro nº 2, parroquia de Guláns, presentado por Natalia Lorenzo Prego e redactado pola arquitecta Mónica Prego Porto (nº de rexistro de entrada RE 3889, do 10 de xullo de 2023).

De conformidade co disposto no artigo 80 da Lei 2/2016, do 10 de febreiro, do solo de Galicia, ábrese un período de información pública por prazo dun mes contado desde o día seguinte ao da publicación do anuncio de aprobación inicial no Diario Oficial de Galicia. O anuncio tamén se publicará previamente nun dos xornais de maior difusión na provincia de Pontevedra.

Durante este prazo os interesados poderán consultar o expediente no Servizo de Urbanismo do Concello, das 8.30 ás 13.30 horas, e formular por escrito as alegacións que xulguen oportunas.

Tamén poderá consultarse electronicamente a través da sede electrónica deste concello https://ponteareas.sedelectronica.gal

Ponteareas, 16 de novembro de 2023

Mª Nava Castro Domínguez
Alcaldesa