A Xunta de Goberno local do Concello de Mos, en sesión ordinaria do 1 de decembro de 2023, aprobou inicialmente o Plan parcial SUDI-07 no lugar do Castro, parroquia de Mos, do concello de Mos, en desenvolvemento do PXOM.
O expediente sométese a información pública por un prazo de dous meses desde a publicación do anuncio de aprobación inicial no Diario Oficial de Galicia, nun dos xornais de maior difusión na provincia, e no taboleiro de anuncios e sede electrónica deste concello. Durante o período de información pública, calquera persoa poderá examinar o Plan parcial e formular as alegacións que procedan. Para tales efectos, queda ao dispor dos interesados o expediente administrativo tramitado para que poida ser examinado na Secretaría municipal durante o período de información pública, en horario de atención ao público, de luns a venres, das 9.00 ás 13.00 horas.
Suspéndese o outorgamento de licenzas en todo o ámbito do territorio obxecto do plan cuxas novas determinacións supoñan a modificación da ordenación urbanística vixente. A duración da suspensión será de dous anos, contados desde a aprobación inicial, e extinguirase, en todo caso, coa aprobación definitiva do Plan parcial. Esta suspensión publicarase conxuntamente coa aprobación inicial.
Mos, 27 de decembro de 2023
Nidia Mª Arévalo Gómez
Alcaldesa