En cumprimento do disposto no artigo 34 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, publícase como anexo a esta resolución o Acordo do Consello da Xunta de Galicia, do 28 de decembro de 2023, polo que se outorga a declaración de utilidade pública, en concreto, así como a compatibilidade con diversos aproveitamentos forestais, das instalacións relativas ao proxecto do parque eólico Airas, sito nos concellos de Alfoz e Mondoñedo (Lugo), promovido por Fergo Galicia Vento-Alfoz, S.L.U. (121-EOL).
Santiago de Compostela, 3 de xaneiro de 2024
Pablo Fernández Vila
Director xeral de Planificación Enerxética e Recursos Naturais
ANEXO
Acordo do Consello da Xunta de Galicia, do 28 de decembro de 2023, polo que se outorga a declaración de utilidade pública, en concreto, así como a compatibilidade con diversos aproveitamentos forestais, das instalacións relativas ao proxecto do parque eólico Airas, sito nos concellos de Alfoz e Mondoñedo (Lugo), promovido por Fergo Galicia Vento-Alfoz, S.L.U. (121-EOL)
Examinado o expediente iniciado por solicitude de Fergo Galicia Vento, S.L., actualmente titularidade de Fergo Galicia Vento-Alfoz, S.L.U., en relación coa declaración de utilidade pública e a compatibilidade con diversos aproveitamentos forestais do parque eólico Airas, constan os seguintes
Antecedentes de feito:
Primeiro. Mediante Resolución do 30 de abril de 2010, da Dirección Xeral de Industria, Enerxía e Minas (actualmente Dirección Xeral de Planificación Enerxética e Recursos Naturais), pola que se publica a relación de solicitudes de outorgamento de autorización administrativa de instalación de parques eólicos para promotores titulares de plans eólicos empresariais, admitiuse a solicitude do parque eólico Airas (en diante, o parque eólico), cunha potencia de 23,57 MW, promovido por Fergo Galicia Vento, S.L.
Segundo. O 29.7.2010, Fergo Galicia Vento, S.L. solicitou a autorización administrativa, a aprobación do proxecto de execución, a declaración de utilidade pública, en concreto, a inclusión no réxime especial de produción de enerxía eléctrica e a aprobación do proxecto sectorial de incidencia supramunicipal do parque eólico.
Terceiro. Mediante a Resolución do 16 de setembro de 2013, da Xefatura Territorial de Lugo, sometéronse a información pública para autorización administrativa, aprobación do proxecto de execución, declaración de utilidade pública, en concreto, así como inclusión no réxime especial de produción de enerxía eléctrica e aprobación do seu estudo de impacto ambiental e do correspondente proxecto sectorial de incidencia supramunicipal, as instalacións relativas ao parque eólico.
A dita resolución publicouse no Diario Oficial de Galicia do 15.10.2013, no Boletín Oficial da provincia de Lugo do 8.10.2013 e no xornal El Progreso do 29.10.2013. Así mesmo, permaneceu exposta ao público no taboleiro de anuncios dos concellos afectados de Alfoz e Mondoñedo, da Xefatura Territorial da Consellería de Economía e Industria de Lugo e da Xefatura Territorial da Consellería de Medio Ambiente, Territorio e Infraestruturas de Lugo, que emitiron os correspondentes certificados de exposición pública.
Durante o trámite de información pública, así como durante a tramitación do expediente presentáronse alegacións, as cales foron remitidas e contestadas pola promotora.
Cuarto. Mediante a Resolución do 25 de xuño de 2021, da Dirección Xeral de Planificación Enerxética e Recursos Naturais, outorgáronse as autorizacións administrativas previa e de construción ao parque eólico Airas, promovido por Fergo Galicia Vento, S.L.
Quinto. Mediante a Resolución do 27 de abril de 2023, da Dirección Xeral de Planificación Enerxética e Recursos Naturais, autorizouse a transmisión de titularidade do expediente do parque eólico de Fergo Galicia Vento, S.L., a favor de Fergo Galicia Vento-Alfoz, S.L.U.
Sexto. O 30.6.2023, e para os efectos de continuar coa tramitación da declaración de utilidade pública, en concreto, do parque eólico, a promotora achegou unha nova relación de bens e dereitos afectados actualizada de acordo coa nova configuración catastral da zona afectada polo parque eólico, cos datos de titularidade actuais, e coas modificacións do proxecto derivadas da tramitación.
Así mesmo, a promotora achegou a declaración responsable dos acordos acadados.
Sétimo. Mediante a Resolución do 2 de agosto de 2023, da Dirección Xeral de Planificación Enerxética e Recursos Naturais, recoñeceuse como non substancial a modificación do parque eólico solicitada o 14.5.2023.
Oitavo. O 1.9.2023 a promotora achegou documentación complementaria en relación coa relación de bens e dereitos afectados actualizada, presentada o 30.6.2023, a que se fai referencia no antecedente de feito sexto.
Noveno. Mediante oficios do 4.9.2023, a Dirección Xeral de Planificación Enerxética e Recursos Naturais efectuou notificacións para poñer en coñecemento das persoas interesadas a relación de bens e dereitos afectados actualizada.
Para aquelas notificacións que non se puideron efectuar (notificacións devoltas, titularidade ou enderezo descoñecido...) publicouse no Diario Oficial de Galicia, o 2.11.2023, e no taboleiro de edictos único do Boletín Oficial del Estado o 6.11.2023, o correspondente anuncio para que as persoas interesadas puidesen comparecer no prazo de dez días, contados a partir do seguinte á última destas publicacións. No dito prazo, compareceron as persoas interesadas en relación con dous dos predios afectados.
En resposta a estas notificacións recibíronse diversas alegacións que foron contestadas pola promotora.
Décimo. O 17.8.2023, a Xefatura Territorial de Lugo emitiu informe para os efectos do artigo 45.3 da Lei 8/2009, do 22 de decembro, en que se recolle o seguinte:
«(...)
Consideracións:
Púidose constatar que, consultado o Censo Catastral Mineiro de Galicia (constituído no Catastro Mineiro de Galicia segundo a disposición adicional quinta da Lei 2/2017, do 8 de febreiro), a área delimitada polas coordenadas perimetrais da poligonal do P.E. Airas, segundo se reflicte no proxecto refundido achegado, está afectado polo seguinte dereito mineiro:
– Permiso de exploración nº LU/C/05578, Folgueiras, da sección C), do titular Turberas del Buyo y de Gistral, S.A. (Tolsa, S.A.), que caducou por Resolución do 29.3.1996.
Hai que sinalar que, segundo se reflicte no proxecto técnico refundido, soamente a localización das infraestruturas eléctricas previstas para os aeroxeradores A3 e A4 cos seus cables de conexión e accesos, interfiren coas cuadrículas mineiras caducadas do antedito dereito mineiro, e as restantes localizacións das infraestruturas eléctricas proxectadas resultan libres deste tipo de afeccións.
Conclusións:
Ao estar, en todo caso, ante un dereito mineiro que caducou, a súa promotora non conta co dereito mineiro do artigo 44 da Lei 22/1973, do 21 de xullo, de minas, nin procede, en termos da vixente normativa en materia de minas, ningún trámite de compatibilidade.
(...)».
Décimo primeiro. O 14.9.2023 o Servizo de Propiedade Forestal remitiulle á Dirección Xeral de Planificación Enerxética e Recursos Naturais o informe do Servizo de Montes da Consellería do Medio Rural da provincia de Lugo do 12.9.2023, en relación cos aproveitamentos forestais afectados polo parque eólico, indicando que o proxecto afecta:
– O monte veciñal en man común Viloalle.
– O monte veciñal en man común Toxiza, Braña, Pena do Boi e Pombeiro.
Décimo segundo. O 25.9.2023, a Dirección Xeral de Planificación Enerxética e Recursos Naturais efectuou o trámite de audiencia previsto no artigo 45.3 cos titulares dos montes veciñais en man común afectados (Viloalle e Toxiza, Braña, Pena do Boi e Pombeiro), de acordo co informe do Servizo de Montes de Lugo recollido no antecedente de feito décimo primeiro, e concedeulles un prazo de quince días para presentaren as alegacións que considerasen oportunas.
Os titulares dos montes veciñais en man común mencionados non presentaron alegacións no prazo outorgado.
Décimo terceiro. O 2.11.2023, a promotora achegou o acordo de constitución de dereito de superficie acadado coa Comunidade de Figueiras, titular do monte veciñal en man común Toxiza, Braña, Pena do Boi e Pombeiro.
Décimo cuarto. O 23.11.2023, a Dirección Xeral de Planificación Enerxética e Recursos Naturais recibiu do Servizo de Propiedade Forestal informe do Servizo de Montes da Xefatura Territorial de Lugo, do 22.11.2023, en relación co artigo 45.4 da Lei 8/2009, do 22 de decembro, con informe favorable sobre a compatibilidade do parque eólico Airas cos aproveitamentos forestais afectados.
Décimo quinto. O 15.12.2023, a Dirección Xeral de Planificación Enerxética e Recursos Naturais recibiu do Servizo de Enerxía e Minas da Xefatura Territorial de Lugo informe en relación co artigo 161 do Real decreto 1955/2000, do 1 de decembro, en que conclúe: «que, logo de visitar o día 14 de decembro de 2023 os terreos polos que discorre o parque eólico proxectado, non se apreciou limitación para a expropiación dos terreos e imposición de servidume de paso de enerxía eléctrica nas parcelas que se describen na RBDA, conforme o disposto nos artigos 58 da Lei 24/2013, do 26 de decembro, do sector eléctrico, e no artigo 161 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica».
Décimo sexto. O 15.12.2023, a promotora achegou a relación de bens e dereitos afectados actualizada, co fin de incorporar os novos acordos acadados, de xeito que se reducen as parcelas que se consideran de necesaria expropiación. Así mesmo, achega a declaración responsable actualizada dos acordos acadados.
Aos antecedentes de feito descritos sonlle de aplicación os seguintes
Fundamentos de dereito:
Primeiro. O Consello da Xunta de Galicia é competente para resolver este procedemento con fundamento no Estatuto de autonomía de Galicia e na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro), pola Lei 9/2021, do 25 de febreiro, de simplificación administrativa e de apoio á reactivación económica de Galicia (DOG núm. 39, do 26 de febreiro), polo artigo 39 da Lei 18/2021, do 27 de decembro, de medidas fiscais e administrativas (DOG núm. 251, do 31 de decembro), e polo artigo 46 da Lei 7/2022, do 27 de decembro, de medidas fiscais e administrativas (DOG núm. 248, do 30 de decembro).
Segundo. No expediente instruído para o efecto cumpríronse os trámites de procedemento establecidos na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.
Terceiro. En relación coas alegacións presentadas durante a tramitación do expediente de declaración de utilidade pública, visto o seu contido e as respostas efectuadas pola promotora, cómpre manifestar o seguinte:
• Cabe indicar que se tomou razón de todas as manifestacións e documentos presentados polas persoas alegantes, relativas á titularidade e características dos bens e dereitos afectados, así como á magnitude das afeccións. Non obstante, corresponde á fase de levantamento de actas previas, dentro do eventual procedemento expropiador, a determinación efectiva da titularidade dos bens e dereitos afectados e das súas características (localización, extensión, tipo de aproveitamento...), así como das afeccións reais do proxecto sobre eles.
• Nalgunhas das alegacións achegadas en resposta ás notificacións individuais a que se fai referencia no antecedente de feito noveno, solicítase unha nova exposición pública do proxecto coa información completa, incluído o estudo de viabilidade económica, e maniféstase que non se recibiu información sobre o proxecto con anterioridade. En relación con estas cuestións, cómpre manifestar que o proxecto do parque eólico se someteu a información pública por Resolución do 16 de setembro de 2013, da Xefatura Territorial de Lugo. Durante este período de información pública practicáronse ademais notificacións individuais ás persoas titulares dos bens e dereitos afectados.
No que respecta á modificación solicitada pola promotora o 14.5.2023 tramitouse de acordo co previsto nos artigos 37 e 38 da Lei 8/2009, do 22 de decembro, cumprindo os requisitos establecidos nestes preceptos para ser recoñecida como unha modificación non substancial. O documento técnico achegado pola promotora durante a mencionada tramitación inclúe un estudo de viabilidade económica actualizado.
Así mesmo, debe aclararse que as modificacións introducidas afectan unicamente a parcelas incluídas na relación de bens e dereitos afectados sometida a información pública mediante a mencionada Resolución do 16 de setembro de 2013, da Xefatura Territorial de Lugo. Tal e como se recolle no antecedente de feito noveno, notificóuselles ás persoas interesadas a relación de bens e dereitos afectados actualizada de acordo coa nova configuración catastral da zona afectada polo parque eólico, cos datos de titularidade actuais, e coa modificación do proxecto recoñecida como non substancial pola Resolución do 2 de agosto de 2023, da Dirección Xeral de Planificación Enerxética e Recursos Naturais, incluíndo ademais os planos parcelarios para cada un dos predios afectados.
• No que respecta ás alegacións relativas á modificación de determinados tramos de vía para evitar afeccións a algúns predios, considérase o número 3 do artigo 153 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica. No dito número ponse de manifesto a necesidade de acreditar na solicitude de variación do trazado a conformidade previa dos novos propietarios pola dita variación, debidamente documentada, así como o compromiso formal de sufragar todos os gastos que ocasione a súa realización.
• No que respecta ás alegacións relativas ao proxecto de interese autonómico, estas serán tidas en conta polo órgano con competencias en ordenación do territorio para a emisión, se procede, do informe previsto no artigo 40.1 da Lei 8/2009, do 22 de decembro. Cabe ter en conta, en relación con esta cuestión, que a Lei 8/2009, do 22 de decembro, exceptúa da obriga da aprobación do proxecto sectorial (proxecto de interese autonómico) aqueles proxectos eólicos e as súas infraestruturas de evacuación que se implanten naqueles concellos onde a natureza do uso do solo sexa compatible con este tipo de infraestruturas.
• As alegacións de carácter ambiental presentadas con posterioridade á declaración de impacto ambiental inadmítense, de conformidade co artigo 23 da Lei 21/2013, do 9 decembro, de avaliación ambiental, por presentárense fóra dos prazos de información pública e consultas regulados nos artigos 21 e 22 da devandita lei.
Cuarto. No que respecta á compatibilidade do parque eólico cos montes afectados, e de acordo co establecido no artigo 45.4 da Lei 8/2009, do 22 de decembro, finalizado o trámite de audiencia cos titulares do MVMC Viloalle e do MVMC Toxiza, Braña, Pena do Boi e Pombeiro, o 23.11.2023 o Servizo de Propiedade Forestal remítelle á Dirección Xeral de Planificación Enerxética e Recursos Naturais informe do Servizo de Montes da Xefatura Territorial de Lugo do 22.11.2023, que se transcribe parcialmente a seguir:
«En cumprimento do artigo 53 da Lei 9/2021, do 25 de febreiro, de simplificación administrativa e de apoio á reactivación económica de Galicia, emítese informe favorable sobre a compatibilidade do P.E. Airas, sempre que se cumpra a lexislación vixente sobre a xestión da biomasa, por parte da promotora, durante toda a vida útil desta, no termo municipal de Mondoñedo».
Cómpre ter en conta, ademais, o acordo acadado entre a promotora e a Comunidade de Figueiras, titular do MVMC Toxiza, Braña, Pena do Boi e Pombeiro, achegado pola promotora o 2.11.2023 e recollido no antecedente de feito décimo terceiro.
De acordo co exposto, e no exercicio das competencias que ten atribuídas, o Consello da Xunta de Galicia adopta o seguinte
ACORDO:
Primeiro. Declarar a utilidade pública, en concreto, das instalacións do proxecto do parque eólico Airas, promovido por Fergo Galicia Vento-Alfoz, S.L.U., segundo o previsto nos artigos 54 e 56 da Lei 24/2013, do 26 de decembro, do sector eléctrico, o que leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa do 16 de decembro de 1954 (BOE núm. 351, do 17 de decembro).
Segundo. Declarar a compatibilidade do parque eólico Airas cos montes veciñais en man común afectados: MVMC Viloalle e MVMC Toxiza, Braña, Pena do Boi e Pombeiro.
A presente autorización axustarase ao cumprimento das seguintes condicións:
1. Tal e como queda recollido no informe do 22.11.2023 emitido polo Servizo de Montes da Xefatura Territorial de Lugo mencionado no antecedente de feito décimo cuarto, a promotora debe cumprir a lexislación vixente sobre a xestión da biomasa durante toda a vida útil do parque eólico.
2. Esta resolución publicarase no Diario Oficial de Galicia de acordo co establecido no artigo 34.3 da Lei 8/2009, do 22 de decembro.
Contra este acto, que pon fin á vía administrativa, poderase interpoñer recurso potestativo de reposición no prazo dun mes contado desde o día seguinte ao da súa notificación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contado desde o día seguinte ao da notificación deste acordo, de conformidade co establecido nos artigos 10, 14 e 46.1 da Lei 29/1998, do 13 de xullo, reguladora da xurisdición contencioso-administrativa.
ANEXO 1
Relación de bens e dereitos afectados parque eólico Airas
Id. |
Propietario |
Parcela |
Afeccións (m2) |
|||||||||||
Nome e apelidos |
Datos catastrais |
Lugar |
Cultivo |
Pleno dominio |
Servidume de paso |
Servidum. de voo |
Outras afeccións |
|||||||
Concello |
Políg. |
Parc. |
Zapata |
Plat. |
Subest. |
Camiño |
Camiño + gabia |
Gabia |
O.T. zona amoreamento |
|||||
6 |
Descoñecido |
Alfoz |
69 |
545 |
Coto Redondo |
Piñeiral madeirable |
|
|
|
4.162 |
761 |
680 |
|
|
15 |
Descoñecido |
Alfoz |
56 |
239 |
Campo de Vixín |
Monte baixo |
|
|
|
69 |
26 |
64 |
|
|
17 |
Hdos. Jesús Goas Vivero Rpte. Pilar González Val |
Alfoz |
56 |
396 |
Campo de Vixín |
Monte baixo |
|
|
|
1.060 |
167 |
207 |
|
|
19 |
Antonio Expósito Díaz |
Alfoz |
56 |
392 |
Campo de Vixín |
Monte baixo |
41 |
2.330 |
|
1.775 |
158 |
160 |
4.797 |
|
22 |
Mª Dolores González Cillero |
Alfoz |
56 |
389 |
Campo de Vixín |
Monte baixo |
|
|
|
3.511 |
233 |
634 |
|
|
24 |
Herdeiros de Arturo Expósito Val |
Alfoz |
56 |
387 |
Monte de Pedrouzo |
Monte baixo |
|
|
|
3.084 |
393 |
587 |
2.795 |
|
27 |
José Expósito Díaz |
Alfoz |
56 |
44 |
Fraga Vella |
Monte baixo |
|
276 |
|
573 |
202 |
12 |
187 |
|
30 |
Descoñecido |
Alfoz |
56 |
145 |
Pedrouzo |
Monte baixo |
|
|
|
1.278 |
|
|
1.029 |
|
31 |
Herdeiros de Arturo Expósito Val |
Alfoz |
55 |
279 |
Fraga Vella |
Monte baixo |
32 |
1.656 |
|
119 |
|
|
5.082 |
|
54 |
Herdeiros de Alicia Martínez Lorenzo |
Alfoz |
47 |
28 |
Fraga Vella |
Monte baixo |
|
|
|
1.508 |
183 |
|
|
|
55 |
Herdeiros de Eliseo Lorenzo Reigosa |
Alfoz |
47 |
29 |
Fraga Vella |
Monte baixo |
|
|
|
539 |
151 |
10 |
|
|
60 |
Medina Cao Díaz |
Alfoz |
47 |
332 |
Fraga Vella |
Monte baixo |
|
|
|
1.615 |
592 |
63 |
|
|
63 |
Diocese Mondoñedo-Ferrol |
Alfoz |
56 |
93 |
Fraga Vella |
Monte baixo |
|
|
|
372 |
21 |
|
111 |
|
68 |
Descoñecido |
Alfoz |
47 |
119 |
Pico Grande |
Monte baixo |
749 |
4.403 |
|
4.913 |
1.348 |
71 |
9.582 |
|
76 |
Humberto Díaz Ramil |
Alfoz |
47 |
272 |
Pico Grande |
Monte baixo |
|
|
|
22 |
|
|
85 |
|
77 |
Herdeiros de Manuel Cao Pumariños |
Alfoz |
47 |
273 |
Pico Grande |
Monte baixo |
|
|
|
4 |
|
|
168 |
|
81 |
Pedro Luis Fernández Expósito |
Alfoz |
47 |
277 |
Pico Grande |
Monte baixo |
|
|
|
|
|
|
220 |
|
82 |
Medina Cao Díaz |
Alfoz |
47 |
278 |
Pico Grande |
Monte baixo |
|
|
|
|
|
|
319 |
|
84 |
Medina Cao Díaz |
Alfoz |
47 |
280 |
Pico Grande |
Monte baixo |
|
|
|
|
|
|
285 |
|
85 |
Concepción Braña Corral |
Alfoz |
47 |
281 |
Pico Grande |
Monte baixo |
|
|
|
|
|
|
199 |
|
100 |
Descoñecido |
Alfoz |
69 |
787a |
Pena do Boi |
Piñeiral madeirable + vía + matogueira |
|
|
|
3.053 |
227 |
439 |
|
|
102 |
Marina Pardiñas Pena |
Alfoz |
56 |
438 |
Fraga Vella |
Monte baixo |
|
|
|
47 |
|
|
|
|
104 |
Descoñecido |
Alfoz |
56 |
436 |
Fraga Vella |
Monte baixo |
|
|
|
590 |
91 |
26 |
151 |
|
105 |
Descoñecido |
Alfoz |
56 |
435 |
Fraga Vella |
Monte baixo |
|
|
|
153 |
3 |
9 |
725 |
|
119 |
José Reigosa Lorenzo |
Alfoz |
56 |
421 |
Fraga Vella |
Monte baixo |
|
|
|
|
|
|
61 |
|
120 |
Francisco Cayón Lorenzo |
Alfoz |
56 |
417 |
Fraga Vella |
Monte baixo |
|
|
|
12 |
|
|
|
|
123 |
Descoñecido |
Alfoz |
56 |
414 |
Fraga Vella |
Monte baixo |
|
|
|
979 |
390 |
51 |
|
|
126 |
María Carmen Galdo Moirón e |
Alfoz |
56 |
403 |
Fraga Vella |
Monte baixo |
|
|
|
70 |
22 |
|
|
|
127 |
Aurelia Castro García |
Alfoz |
56 |
402 |
Fraga Vella |
Monte baixo |
|
|
|
|
2 |
|
|
|
130 |
Diocese Mondoñedo-Ferrol |
Alfoz |
55 |
398 |
Fraga Vella |
Monte baixo |
417 |
119 |
|
149 |
66 |
3 |
651 |
|
132 |
Aurelia Castro García |
Alfoz |
55 |
400 |
Fraga Vella |
Monte baixo |
|
|
|
161 |
90 |
|
385 |
|
133 |
María Carmen Galdo Moirón e |
Alfoz |
55 |
401 |
Fraga Vella |
Monte baixo |
2 |
|
|
16 |
1 |
|
|
|
135 |
Descoñecido |
Alfoz |
47 |
540 |
Fraga Vella |
Monte baixo |
|
|
|
|
6 |
|
|
|
138 |
Ramón Reges González |
Alfoz |
56 |
204 |
Fraga Vella |
Monte baixo |
|
|
|
3.082 |
1.118 |
58 |
|
|
139 |
Mª Sol Lorenzo Marrube |
Alfoz |
55 |
206 |
Fraga Vella |
Monte baixo |
|
|
|
|
|
|
20 |
|
141 |
Josefa Díaz Maseda |
Alfoz |
55 |
208 |
Fraga Vella |
Monte baixo |
|
|
|
|
|
|
1.510 |
|
142 |
Mª Josefa Reigosa Lorenzo |
Alfoz |
55 |
209 |
Fraga Vella |
Monte baixo |
|
|
|
|
|
|
375 |
|
143 |
Mª Esther Reigosa Lorenzo |
Alfoz |
55 |
361 |
Fraga Vella |
Monte baixo |
|
|
|
|
|
|
74 |
|
154 |
Diocese Mondoñedo-Ferrol |
Alfoz |
47 |
18 |
Fraga Vella |
Monte baixo |
|
|
|
1.014 |
238 |
13 |
|
|
Afeccións parque eólico en metros cadrados (m2):
• Superficie de pleno dominio:
– Zapata: superficie ocupada pola zapata do aeroxerador.
– Plataforma (plat.): superficie ocupada pola plataforma de montaxe do aeroxerador.
– Subestación (subest.): superficie ocupada pola subestación do parque eólico.
• Servidume (servidum.) de paso:
– Camiño: servidume de paso polas vías en que circularán os transportes para a construción, vixilancia, conservación e reparación das instalacións do parque eólico.
– Camiño+gabia: servidume de paso conxunto nos tramos en que o trazado das vías de circulación e das gabias para cables do parque eólico coinciden.
– Gabia: servidume de paso das gabias para cables con trazado independente ao dos camiños.
• Servidume de voo: comprende a área de voo do aeroxerador delimitada por unha circunferencia de diámetro igual ao das pas.
• Outras afeccións:
– Ocupación temporal zona amoreamento (O.T. zona amoreamento): ocupación de terreos necesaria para o almacenamento de material do parque durante a fase de obras (area, gravas, bobinas de condutores, maquinaria etc.).