Para os efectos de darlle cumprimento ao solicitado polo Tribunal Superior de Xustiza CON/AD sec.3, en relación co procedemento ordinario núm. 7266/2023, interposto pola Confederación Intersindical Galega (CIG), contra o Decreto 102/2023, do 15 de xuño, polo que se regulan as entidades de colaboración ambiental e se crean o Rexistro de Entidades de Colaboración Ambiental da Comunidade Autónoma de Galicia e o Banco de persoas expertas en avaliación ambiental (DOG do 3 de xullo).

En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a achega do correspondente expediente administrativo ao referido tribunal.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos no referido tribunal no prazo de nove días, contados desde o seguinte ao da súa publicación no Diario Oficial de Galicia.

Santiago de Compostela, 23 de novembro de 2023

Mª Sagrario Pérez Castellanos
Directora de Calidade Ambiental, Sostibilidade e Cambio Climático