Examinada a solicitude de revisión de esbozo formulada polos representantes do monte veciñal en man común (MVMC) Lumieira e Arandeira, pertencente á Comunidade de Montes Veciñais en Man Común (CMVMC) de Dradelo, no concello de Viana do Bolo, resultan os seguintes feitos:

Primeiro. O 19.9.2022 a CMVMC de Dradelo presentou unha solicitude (Rexel número 2022/2338347) de revisión de esbozo do MVMC Lumieira e Arandeira, no concello de Viana do Bolo.

Coa solicitude achegaron a seguinte documentación:

– Certificación do acordo da Asemblea Xeral do 27.8.2022.

– Memoria e planos.

– Arquivos xeográficos en formato vectorial.

Segundo. O Servizo de Montes da Xefatura Territorial de Ourense emitiu un informe favorable o día 16 de febreiro de 2023 en relación coa solicitude citada. Nel indicábase que o perímetro obxecto desta revisión parcial de esbozo inclúe o perímetro lindeiro con particulares. Non se modifican os límites cos montes veciñais estremeiros ao non estar deslindado con ningún monte veciñal.

A superficie do MVMC Lumieira e Arandeira, unha vez revisado o esbozo, resulta de 245,90 ha fronte ás 225 ha do acordo de clasificación inicial, o que supón un aumento dun 9 % de superficie.

Tendo en conta o anterior, emítese informe favorable sobre a revisión do esbozo do MVMC Lumieira e Arandeira.

Consideración legal e técnica:

Única. A Lei 7/2012, do 28 de xuño, de montes de Galicia, na súa disposición transitoria décimo terceira, establece o procedemento de revisión de esbozos de montes veciñais en man común.

De acordo con ela, os esbozos de montes veciñais integrados nun expediente que, pola súa antigüidade, non reúnan as características de fiabilidade e precisión que exixen as novas técnicas topográficas poderán ser obxecto de revisión, e axustaranse e completaranse con aqueles datos e documentos que se consideren necesarios, en particular os requiridos para a súa inmatriculación no Rexistro da Propiedade.

De acordo cos feitos e fundamentos de dereito expostos, e tendo en conta o informe favorable do Servizo de Montes do día 16 de febreiro de 2023, o Xurado Provincial de Monte Veciñais en Man Común acordou, por unanimidade, o día 23 de outubro de 2023:

Aprobar a proposta de revisión de esbozo do MVMC Lumieira e Arandeira, pertencente á CMVMC de Dradelo, no concello de Viana do Bolo.

Ourense, 10 de novembro de 2023

O presidente do Xurado Provincial de Clasificación de
Montes Veciñais en Man Común de Ourense
P.S. (Resolución do 12.7.2022)
José Antonio García Rodríguez
Xefe do Servizo Xurídico-Administrativo