Mediante o Acordo do 6 de outubro de 2023, da Xefatura Territorial de Ourense, foi sometida a información pública a solicitude das autorizacións administrativas previa e de construción e da declaración de utilidade pública, en concreto, dunha instalación eléctrica no concello de San Cibrao das Viñas (expediente IN407A 2023/140-3), o cal foi publicado no DOG do 3 de novembro, e realizouse ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os titulares dos predios que no anexo se relacionan para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez (10) días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado, nas dependencias da Xefatura Territorial da Consellería de Economía, Industria e Innovación en Ourense, na rúa Curros Enríquez, nº 1, 3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 9 de novembro de 2023
Alicia María López Míguez
Xefa territorial de Ourense
ANEXO
Relación de afectados descoñecidos, de domicilio ignorado ou non notificados
Núm. de expediente: IN407A 2023/140-3.
Solicitante: UFD Distribución Electricidad, S.A.
Denominación da instalación: regulamentación da LMTA SCV817N entre os apoios núm. T-CT-28-11 e núm. CT-CT-28-12.
Termo municipal: San Cibrao das Viñas.
Predio núm. en proxecto: 1; referencia catastral: 32076A007002450001IB.
Lugar: Veiga.
Cultivo: monte baixo.
Titular: Benigna Abadín Vázquez.
Afeccións do apoio/CT: ocupación de 2 m2 para o apoio núm. 28-12.
Predio núm. en proxecto: 2; referencia catastral: 32076A007004290000UY.
Lugar: Rodeiro.
Cultivo: monte baixo.
Titular: Benigna Abadín Vázquez.
Afeccións do apoio/CT: ocupación de 2 m2 para o apoio núm. 28-11.