Mediante a Resolución do 12 de xullo de 2022, da Xerencia da Área Sanitaria de Pontevedra e O Salnés (DOG núm. 140, do 22 de xullo), convocouse a provisión, polo sistema de libre designación, de postos de supervisión da Área Funcional no Complexo Hospitalario Universitario de Pontevedra.

En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés

RESOLVE:

Primeiro. Adxudicarlles os postos convocados de supervisión de área funcional no Complexo Hospitalario Universitario de Pontevedra aos/ás aspirantes seleccionados/as relacionados/as no anexo I.

Segundo. O/a aspirante deberá cesar na praza que desempeñe dentro dos tres días hábiles seguintes a aquel en que se publique a resolución no Diario Oficial de Galicia.

A toma de posesión do posto de traballo adxudicado deberá efectuarse dentro dos dous días hábiles seguintes ao do cesamento, se a praza desempeñada e o posto adxudicado son da mesma área de saúde. Para estes efectos, entenderase por praza desempeñada a efectivamente ocupada, con independencia de que sexa en condicións de destino definitivo, adscrición ou destino provisional ou comisión de servizos.

Se así o permiten as necesidades do servizo, e por petición motivada do/da interesado/a, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo, e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita a excedencia voluntaria por interese particular, e será declarado/a nesa situación polo órgano competente, quen non se incorpore ao posto adxudicado no prazo establecido.

Terceiro. Contra a presente resolución poderá interporse recurso de alzada ante a Dirección Xeral de Recursos Humanos do Servizo Galego de Saúde no prazo dun mes, contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 10 de novembro de 2023

José Manuel Flores Arias
Xerente da Área Sanitaria de Pontevedra e O Salnés

ANEXO I

Adxudicación de prazas

Apelidos e nome	DNI	Código	Denominación	Centro/Servizo/Unidade
Baltasar Blanco, Concepción	***1093**	S-A2-02	Supervisor/a da Área Funcional Cirúrxica	Complexo Hospitalario Universitario de Pontevedra
Buján Martínez, Mª Dolores	***5983**	S-A2-02	Supervisor/a da Área Funcional de Docencia, Innovación e Calidade	Complexo Hospitalario Universitario de Pontevedra
López García, Mª Begoña	***4599**	S-A2-02	Supervisor/a da Área Funcional de Hospitalización	Complexo Hospitalario Universitario de Pontevedra
Deserta (renuncia da persoa aspirante admitida no procedemento)	………...	S-A2-02	Supervisor/a da Área Funcional de Recursos Humanos	Complexo Hospitalario Universitario de Pontevedra

(*) Ocúltase parcialmente o número do DNI para preservar os datos de carácter persoal, de acordo coa Lei orgánica 3/2018, do 5 de decembro.