Con data do 22 de setembro de 2023, declarouse a desafectación do ben descrito e ordenouse o seu alleamento, mediante resolución do órgano de contratación da Universidade de Vigo. Ao citado expediente engadíuselle o prego de condicións, co informe da Asesoría Xurídica, o informe da Vicerreitoría de Investigación, no cal se indica que o vehículo xa non é necesario para os fins que motivaron a súa adquisición, e as características do vehículo, todo co informe, en fase de fiscalización previa, do Servizo de Control Interno.
Identificación do ben: o vehículo obxecto de alleamento é unha autocaravana marca GIOTTILINE, tipo GLF2, variante DAMT 6301 C, con matrícula 3697-HLX.
Para cumprir o disposto no artigo 66 do Regulamento para a execución do patrimonio da Comunidade autónoma galega (Decreto 50/1989), remítese este anuncio.
Sistema de adxudicación e tipo de contrato: poxa á alza/patrimonial.
Presentación de solicitudes: concederase un prazo de vinte (20) días hábiles, contados desde o día seguinte ao de publicación do anuncio no DOG, para presentar ofertas. A documentación presentarase no Rexistro Xeral da Universidade de Vigo (das 9.00 ás 14.00 horas, de luns a venres), dirixido ao Servizo de Xestión Económica e Contratación. Da presentación entregaráselle xustificante ao licitador. A dita documentación poderase presentar igualmente en calquera dos lugares establecidos no artigo 16.4 da Lei 39/2015, do 1 de outubro, do procedemento administrativo común das administracións públicas, e dirixida á Universidade de Vigo, Servizo de Xestión Económica e Contratación.
Tipo de licitación: prezo de saída do ben (25.620 euros, IVE excluído), a partir do cal se efectuarán as ofertas equivalentes ou á alza; non se admitirá, en consecuencia, ninguna oferta por importe inferior ao tipo de licitación.
Composición da Mesa de Poxa:
a) Presidencia: persoa que ocupe a Dirección da Área de Infraestruturas e Prevención, que poderá ser suplida en caso de vacante, ausencia ou enfermidade pola persoa que designe o reitor: José Carlos Caamaño Martínez.
b) Vogal: o presidente do Consello Social ou persoa en quen delegue. Delegado: Jesús Graña Nogueiras.
c) Vogal: o responsable do Parque Móbil da UVigo: Cándido Rodríguez Hermández.
d) Vogal: a xefa do Servizo de Asesoría Xurídica ou letrado/a deste: María José Pousa Crespo; letrados: Andrés Dapena Paz e Cristina Piñón García.
e) Vogal: a xefa de Servizo de Control Interno ou funcionario/a do Servizo que a substitúa: Margarita Cabaleiro Soto; substitutos: María Teresa Reigosa Alonso e Arturo Losada Rodríguez.
f) Secretario/a: o xefe de Servizo de Xestión Económica ou funcionario/a do Servizo que o substitúa: Jesús Bello Condide; substitutos: Alberto López Abel e Sergio Amador Pajares Domínguez.
Para a válida constitución da Mesa será suficiente coa asistencia do/da presidente/a e secretario/a e de representantes do Servizo de Control Interno e de Asesoría Xurídica.
A composición concreta da Mesa determinarase en cada acta das sesións desta en que se aborden asuntos relacionados con este expediente.
De cada sesión da Mesa levantarase a acta, que deberá ser asinada por todos os asistentes.
O que se notifica para coñecemento xeral de todas as persoas interesadas no procedemento.
Vigo, 29 de setembro de 2023
O reitor
P.D. (Resolución reitorial do 26.5.2020; DOG do 4 de xuño)
Yolanda Trinidad Lesmes Romero
Xerente da Universidade de Vigo