A Xunta de Goberno Local do Concello de Vigo, na sesión ordinaria do 8 de setembro de 2023, adoptou o seguinte acordo:
«Primeiro. Prestar aprobación, con carácter inicial ao Plan especial de reforma interior da unidade de actuación UA-1 Ceán, instrumento urbanístico de iniciativa particular promovido pola súa xunta de compensación, que inclúe a documentación técnica inserida no Rexistro Xeral desta xerencia municipal de urbanismo con data do 22.2.2022 –doc. núm. 220289647–, elaborada conxuntamente en xullo e novembro de 2022 por Óptima, S.L. e Sonen, S.L., respectivamente (estudo acústico), e asinada con sinatura dixital válida polos arquitectos Diego Rivas Pérez e Pablo Gómez Pérez.
Segundo. Someter a información pública o presente expediente, polo prazo de dous (2) meses, mediante a publicación de senllos anuncios no DOG, nun dos xornais de maior circulación da provincia e na sede electrónica do Concello de Vigo, para os efectos de que durante o dito período poidan formularse alegacións e as suxestións pertinentes. O remate do referido prazo de alegacións computará desde a data da publicación do anuncio no Diario Oficial de Galicia e a Secretaría Xeral dilixenciará a documentación exposta, con notificación individual ás persoas titulares catastrais dos terreos afectados segundo a relación catastral incorporada ao expediente.
Durante o referido prazo recadaranse os informes sectoriais que resulten preceptivos, de conformidade coa normativa urbanística e sectorial de aplicación.
Á vista do resultado dos trámites anteriores, resolverase sobre a procedencia de introducir no documento de modificación as rectificacións pertinentes, cuxo alcance determinará, se é o caso, a oportunidade e procedencia dun novo trámite de información pública e requirimento de informes (artigo 144.12 do RLSG).
Terceiro. O contido íntegro do instrumento inicialmente aprobado estará dispoñible no seguinte enderezo electrónico https://hoxe.vigo.org/movemonos/urbanismo_pxom2.php?lang=gal#/ e no Portal de transparencia».
Para os efectos do disposto no punto segundo da parte dispositiva deste acordo, a documentación íntegra aprobada inicialmente poderá consultarse na seguinte ligazón: https://hoxe.vigo.org/movemonos/urbanismo_pxom2.php?lang=gal#/ na epígrafe de «planeamento de desenvolvemento en tramitación» e no Departamento de Información de Urbanismo, sito na planta baixa do edificio da Xerencia de Urbanismo (praza do Rei, s/n, Vigo), para a súa consulta e a presentación de cantos documentos ou escritos de alegacións consideren convenientes.
• Poden poñerse en contacto co Departamento de Información de Urbanismo, para solicitar cita previa ou para resolver calquera dúbida ao respecto, no teléfono 986 81 03 49.
• Para presentar documentos ou escritos de alegacións poden solicitar, preferentemente, cita previa no Rexistro de Urbanismo, no teléfono 986 81 03 44.
Vigo, 20 de setembro de 2023
O alcalde
P.D. (Resolución do 4.7.2023)
María José Caride Estévez
Concelleira delegada da Área de Goberno de Urbanismo e Vivenda