O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro) regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro) regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, sométese a información pública, durante un período de vinte (20) días hábiles, contados a partir do día seguinte ao da publicación deste anuncio no Diario Oficial de Galicia, o documento titulado:
– «Estudo de diagnóstico de revisión da modificación da AAI na planta de fabricación de pensos-Nucamsa. Instalación industrial de elaboración de pensos situada no lugar Alto da Rocha-concello de Dozón (Pontevedra). Data: 13.7.2023».
Para que calquera interesado poida consultalos e, se é o caso, formular no citado prazo as alegacións, suxestións ou observacións que considere oportunas, o documento estará á disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental, Sostibilidade e Cambio Climático-Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais poderán acceder a esta información na páxina web da Consellería de Medio Ambiente, Territorio e Vivenda (http://cmatv.xunta.gal/ → medioambiente e sostibilidade → prevención e control de actividades → autorización ambiental integrada → proxectos en información pública).
Santiago de Compostela, 23 de agosto de 2023
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Memoria resumo
Clave do expediente: 2020-IPPC-M-30.
Peticionario: Nutrimentos del Campo, S.A.
CIF: A36014009.
Enderezo social: estrada Lalín-Chantada, Alto da Rocha, s/n, 36518 Dozón, Pontevedra.
Localización da instalación: estrada Lalín-Chantada, Alto da Rocha, s/n, 36518 Dozón, Pontevedra.
Actividade: produción de pensos.
Descrición: a instalación dedícase á fabricación de pensos para alimentación animal para a súa posterior venta e distribución. A instalación consta de edificio fabril, edificio de oficinas, edificio taller, edificio do centro de transformación, salas de caldeiras e almacéns. A capacidade máxima de produción de produtos acabados da instalación é de 262800 t/ano e o grao de uso da capacidade produtiva vén sendo do 32 %, aproximadamente. As principais etapas do proceso son: recepción e almacenamento de materias primas, dosificación de materias primas e aditivos, moenda, mesturado, granulación, arrefriamento, almacenamento de pensos en carga ou ensacado e expedición.
As augas residuais pluviais recóllense mediante unha rede separada e vértense á cuneta da estrada sen tratamento previo. As augas fecais trátanse nunha fosa séptica antes de infiltrarse ao terreo. Non se xeran augas residuais industriais.
O proxecto contén a aplicación das mellores técnicas dispoñibles na instalación segundo o estipulado na Decisión de execución (UE) nº 2019/2031 da Comisión, do 12 de novembro de 2019, pola que se establecen as conclusións sobre as mellores técnicas dispoñibles (MTD) nas industrias de alimentación, bebida e leite, de conformidade coa Directiva 2010/75/UE do Parlamento Europeo e do Consello.