No Boletín Oficial da provincia de Lugo (BOP) número 295, do 27 de decembro de 2022, publicáronse integramente as convocatorias e as bases para o ingreso nas prazas de persoal funcionario/a de carreira ou laboral fixo, no Concello de Pedrafita do Cebreiro, incluídas na oferta de emprego público do ano 2022, taxa adicional de estabilización de emprego temporal (artigo 2 e disposición adicional 6ª da Lei 20/2021), que a seguir se relacionan:
– Unha (1) praza de traballador/a social do cadro de laboral fixo, pertencente ao grupo de cotización 2, mediante o sistema de concurso, cota xeral, acceso libre.
– Unha (1) praza de axente de emprego e desenvolvemento local do cadro de laboral fixo, pertencente ao grupo de cotización 2, mediante o sistema de concurso, cota xeral, acceso libre.
– Unha (1) praza de capataz do cadro de laboral fixo, pertencente ao grupo de cotización 8, mediante o sistema de concurso, cota xeral, acceso libre.
– Tres (3) prazas de oficial de 1ª albanel do cadro de laboral fixo, pertencente ao grupo de cotización 8, mediante o sistema de concurso, cota xeral, acceso libre.
– Unha (1) praza de auxiliar de axuda no fogar do cadro de laboral fixo, pertencente ao grupo de cotización 10, xornada parcial (27,5 horas semanais), mediante o sistema de concurso, cota xeral, acceso libre.
– Nove (9) prazas de auxiliar de axuda no fogar do cadro de laboral fixo, pertencente ao grupo de cotización 10, mediante o sistema de concurso-oposición, cota xeral, acceso libre.
– Unha (1) praza de limpador/a do cadro de laboral fixo, pertencente ao grupo de cotización 10, mediante o sistema de concurso, cota xeral, acceso libre.
– Unha (1) praza de administrativo/a do cadro de funcionario, pertencente á escala da Administración xeral, subescala administrativa, grupo C, subgrupo C1, mediante o sistema de concurso, cota xeral, acceso libre.
– Unha (1) praza de técnico/a auxiliar do cadro de funcionario, pertencente á escala de Administración especial, subescala técnica auxiliar, mediante o sistema de concurso, cota xeral, acceso libre.
O prazo de presentación de solicitudes será de vinte (20 días) hábiles, contados desde o día seguinte ao da publicación do extracto da convocatoria e bases no Boletín Oficial del Estado (BOE).
Os sucesivos anuncios referentes a esta convocatoria, cando proceda de conformidade coas bases, faranse públicos no BOP de Lugo, así como no taboleiro de anuncios da sede electrónica e na páxina web do Concello de Pedrafita do Cebreiro.
Pedrafita do Cebreiro, 20 de setembro de 2023
José Luis Raposo Magdalena
Alcalde