De conformidade coa proposta elevada pola comisión nomeada para xulgar o concurso para a provisión de prazas dos corpos docentes universitarios, convocado mediante Resolución do 5 de maio de 2023 (BOE do 15 de maio), e presentada polas persoas interesadas a documentación a que fai referencia a base novena da convocatoria, esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e polo artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e polas demais disposicións concordantes, resolve efectuar os nomeamentos das persoas que se relacionan no anexo.

Os citados nomeamentos producirán efectos a partir da correspondente toma de posesión por parte das persoas interesadas, que deberá efectuarse no prazo máximo de 20 días, contados desde o día seguinte ao da publicación desta resolución no Boletín Oficial del Estado.

Contra a presente resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contados desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 28 de setembro de 2023

Antonio López Díaz
Reitor da Universidade de Santiago de Compostela

ANEXO

Nº concurso	Nome	Apelidos	DNI	Corpo docente	Área de coñecemento	Departamento	Localidade	Código praza
2T/23	Antón	Barreiro Iglesias	***3179**	Profesoras e profesores titulares de universidade	Bioloxía celular	Bioloxía Funcional	Santiago de Compostela	C01960
3T/23	Ramón Alberto	Díaz Varela	***3336**	Profesoras e profesores titulares de universidade	Botánica	Botánica	Lugo	C01961
15T/23	Marcio	Diniz Freitas	***3730**	Profesoras e profesores titulares de universidade	Estomatoloxía	Cirurxía e Especialidades Médico-Cirúrxicas	Santiago de Compostela	C01973
23T/23	Rubén	Lado Sestayo	***4903**	Profesoras e profesores titulares de universidade	Economía financeira e contabilidade	Economía Financeira e Contabilidade	Santiago de Compostela	C01981
24T/23	Marta	Portela Maseda	***7470**	Profesoras e profesores titulares de universidade	Economía financeira e contabilidade	Economía Financeira e Contabilidade	Lugo	C01982
30T/23	José Manuel	Brea Floriani	***8180**	Profesoras e profesores titulares de universidade	Farmacoloxía	Farmacoloxía, Farmacia e Tecnoloxía Farmacéutica	Santiago de Compostela	C01988
31T/23	Xabier	Cid Vidal	***4003**	Profesoras e profesores titulares de universidade	Física atómica, molecular e nuclear	Física de Partículas	Santiago de Compostela	C01989
32T/23	Manuel	Caamaño Fresco	***6754***	Profesoras e profesores titulares de universidade	Física atómica, molecular e nuclear	Física de Partículas	Santiago de Compostela	C01990
36T/23	Alejandra	Ulla Lorenzo	***5974**	Profesoras e profesores titulares de universidade	Literatura española	Lingua e Literatura Españolas, Teoría da Literatura e Lingüística Xeral	Santiago de Compostela	C01994
41T/23	Vanessa	Blanco Seoane	***9400**	Profesoras e profesores titulares de universidade	Psicoloxía evolutiva e da educación	Psicoloxía Evolutiva e da Educación	Santiago de Compostela	C01999