De conformidade coa proposta elevada polo tribunal cualificador das probas selectivas convocadas pola Resolución reitoral do 26 de novembro de 2021 (DOG do 10 de decembro), para o ingreso na escala de xestión, subgrupo A2, da Universidade de Santiago de Compostela (USC), pola quenda de acceso libre (4 prazas), e comprobado que as persoas seleccionadas reúnen os requisitos exixidos na base 2 da convocatoria, de conformidade co disposto no artigo 85.j) dos estatutos da USC,
RESOLVO:
Primeiro. Aprobar a proposta efectuada polo tribunal cualificador e nomear persoal funcionario de carreira da escala de xestión, subgrupo A2, da USC as persoas aspirantes que superaron o proceso selectivo que se relacionan no anexo desta resolución, e adxudicarlles os destinos os figuran no mesmo anexo.
Segundo. Para adquirir a condición de persoal funcionario de carreira, as persoas ás cales se refire o anexo desta resolución deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computar a partir do día seguinte ao da publicación desta resolución no Diario Oficial de Galicia.
Contra a presente resolución, que pon fin á vía administrativa, poderase interpor un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpor un recurso potestativo de reposición no prazo dun mes ante o órgano que a ditou. Neste caso non se poderá interpor o recurso contencioso-administrativo antedito mentres non se dite resolución expresa ou se produza a desestimación presunta do recurso de reposición interposto ao abeiro dos artigos 123 e 124 da Lei 39/2015, do 1 de outubro, do procedemento administrativo común e das administracións públicas.
Santiago de Compostela, 14 de setembro de 2023
Antonio López Díaz
Reitor da Universidade de Santiago de Compostela
ANEXO
Escala de xestión da USC
Nº de orde |
DNI |
Apelidos e nome |
Destino |
Código |
Denominación e unidade de adscrición |
Subgrupo |
Nivel |
Quenda |
Campus |
Observacións |
1 |
***5289** |
Vázquez Salgado, Lucía |
Provisional |
PF000267 |
Técnico superior de Administración, especialidade xurídica/Técnico de xestión, especialidade xurídica. Xerencia |
A1/A2 |
21 |
Mañá |
Compostela |
Licenciatura/Grao en Dereito. A1, nivel 23 |
2 |
***0724** |
García Angulo, Minia |
Provisional |
PF000088 |
Xefatura Subdivisión Matrícula. Unidade de Xestión Académica Campus Sur |
A1/A2/C1 |
22 |
Mañá |
Compostela |
A1, nivel 23 |
3 |
***0195** |
Ventosa Fernández, M. Gloria |
Provisional |
PF000089 |
Xefatura Subdivisión Asuntos Varios. Unidade de Xestión Académica Campus Sur |
A1/A2/C1 |
22 |
Mañá |
Compostela |
A1, nivel 23 |
4 |
***9902** |
Valiño Lemos, Ramón |
Provisional |
PF000084 |
Xefatura Subdivisión Asuntos Varios. Unidade de Xestión Académica Campus Norte |
A1/A2/C1 |
22 |
Mañá |
Compostela |
A1, nivel 23 |