Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento dos montes veciñais en man común Serra de Mirandela, Paleira, Arriba de Salvaráns e Caxigueira con propiedades particulares, presentada o 30.7.2020 pola Comunidade de Mirandela, propietaria do monte.
Con data do 31.8.2023, o Servizo de Montes de Lugo emitiu un informe favorable relativo a esta proposta.
Contra o deslindamento proposto, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios afectados.
Durante este prazo a documentación estará dispoñible para a consulta no Servizo de Montes de Lugo, sito na rolda da Muralla, 70, baixo 2º, das 9.00 ás 14.00 horas, de luns a venres, para os efectos de coñecer integramente o contido da dita proposta.
Lugo, 6 de setembro de 2023
María Olga Iglesias Fontal
Xefa territorial de Lugo