A Xunta de Goberno Local, en sesión do 16.8.2023, adoptou o acordo de aprobación inicial do estudo de detalle para o reaxuste das aliñacións no ámbito do solo urbano non consolidado denominado POL-12 rúa Nova de Arriba, cruzamento, no termo municipal de Bueu, no cal se atopan os inmobles de referencias catastrais: 6061211NG1866S0001YW e 6061212NG1866S0001GW.
O que se fai público en cumprimento do disposto no artigo 80 da Lei 2/2016, do 10 de febreiro, do solo de Galicia, e no artigo 194 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, que se somete á información pública polo prazo dun mes, mediante anuncio publicado no Diario Oficial de Galicia e nun dos xornais de maior difusión na provincia.
Para estes efectos, o documento do estudo de detalle relativo ao reaxuste das aliñacións no ámbito do solo urbano non consolidado denominado POL-12 rúa Nova de Arriba, cruzamento, estará dispoñible na páxina web do Concello de Bueu (https://concellodebueu.gal/), así como no seu portal de transparencia, e queda, así mesmo, á disposición do público en xeral no Departamento de Urbanismo do concello, rúa Eduardo Vincenti núm. 8, Bueu 36930, en horario de atención ao público, de luns a venres, das 9.00 ás 14.00 horas.
Bueu, 23 de agosto de 2023
Félix Juncal Novas
Alcalde