A Xunta de Goberno Local do Concello de Mos, en sesión ordinaria que tivo lugar o 31 de xullo de 2023, aprobou inicialmente o Plan parcial de ordenación do solo urbanizable delimitado SUDT-07 en Cerqueirás, Concello de Mos, en desenvolvemento do Plan xeral de ordenación municipal.

O expediente sométese a información pública durante o prazo de dous meses desde a publicación do anuncio de aprobación inicial no Diario Oficial de Galicia, nun dos xornais de maior difusión na provincia e no taboleiro de anuncios e sede electrónica deste concello. Durante o período de información pública poderá examinar o Plan parcial calquera persoa e formular as alegacións que procedan. Para tales efectos, queda ao dispor das persoas interesadas o expediente administrativo tramitado para que poida ser examinado na Secretaría municipal durante o período de información pública, en horario de atención ao público, de luns a venres, das 9.00 ás 13.00 horas.

Suspéndese o outorgamento de licenzas en todo o ámbito do territorio obxecto do plan cuxas novas determinacións supoñan a modificación da ordenación urbanística vixente. A duración da suspensión será de dous anos, contados desde a aprobación inicial. En todo caso, extinguirase coa aprobación definitiva do Plan parcial. Esta suspensión publicarase conxuntamente coa aprobación inicial.

Mos, 2 de agosto de 2023

Nidia María Arévalo Gómez
Alcaldesa