Mediante a Resolución da Alcaldía número 2023004182, do 18 de agosto, acordouse aprobar inicialmente con condicións o Plan parcial SUND-30 A Ferrala, en Liáns (documento R.E. nº 2023015312, do 11 de agosto).
De conformidade co artigo 75 da Lei 2/2016, do 10 de febreiro, do solo de Galicia, o expediente estará exposto ao público na Área de Urbanismo do Concello de Oleiros, das 8.30 ás 13.30 horas, polo prazo de dous meses, para a presentación das alegacións que se consideren oportunas. Así mesmo, estará á disposición na web do concello na epígrafe de Urbanismo-trámites de información pública.
Quedan suspendidas as licenzas naqueles ámbitos do territorio cuxas novas determinacións supoñan modificación da ordenación urbanística vixente.
Oleiros, 24 de agosto de 2023
Ángel García Seoane
Alcalde presidente