O Concello de Tomiño, en sesión plenaria que tivo lugar o día 10 de agosto de 2023, acordou aprobar inicialmente a modificación puntual número 10 do vixente Plan xeral de ordenación municipal, relativa ao Parque Agroindustrial Transfronteirizo do Baixo Miño.
O anterior faise público de conformidade co disposto no artigo 60.6 da Lei 2/2016, do 10 de febreiro, do solo de Galicia.
O expediente estará exposto ao público durante o prazo de dous meses a partir da publicación do presente anuncio no DOG; tamén se publicará un anuncio nun dos xornais de maior difusión da provincia e na páxina web do Concello. As persoas interesadas poderán examinar o expediente no Servizo de Urbanismo do Concello en horario de atención ao público e presentar alegacións ou reclamacions dentro do mesmo prazo, de conformidade co citado artigo.
O expediente leva aparellada a suspensión cautelar de licenzas correspondente á totalidade da delimitación da modificación puntual número 10 do Plan xeral de ordenación municipal de Tomiño. O acordo de suspensión de licenzas abrangue as relativas a parcelación, edificación e demolición; non quedan afectadas as obras de mantemento, conservación e reforma, as de primeira ocupación e comunicación previa.
A suspensión do procedemento de outorgamento resultará de aplicación para aquelas solicitudes en que as novas determinacións deste supoñan a modificación da ordenación urbanística vixente.
Tomiño, 11 de agosto de 2023
Sandra González Álvarez
Alcaldesa