Convocada a provisión, polo sistema de libre designación, dun posto de traballo vacante na Consellería de Promoción do Emprego e Igualdade mediante a Orde do 16 de xuño de 2023 (DOG núm. 123, do 29 de xuño), esta consellería
DISPÓN:
Primeiro. Resolver a dita convocatoria, coa adxudicación do destino ao funcionario que se expresa no anexo desta orde, seleccionado conforme o establecido nas bases da convocatoria, efectuada por Orde desta consellería do 16 de xuño de 2023.
Segundo. O cesamento no actual destino do funcionario que obtivo praza producirase no prazo de tres días hábiles, contados a partir do seguinte ao da data da publicación desta orde no Diario Oficial de Galicia.
A toma de posesión do novo destino deberase realizar, a partir do día do cesamento, no prazo de tres días hábiles se non implica cambio de residencia ou de sete días hábiles se comporta cambio de residencia.
Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, conforme o establecido no artigo 8 do Decreto 151/2022, do 4 de agosto.
Terceiro. A persoa responsable do centro en que cause baixa o funcionario, así como a daquel no que obteña destino, consignarán no título administrativo as correspondentes dilixencias de cesamento e toma de posesión, dentro do prazo sinalado no parágrafo anterior.
Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contenciosa-administrativa.
Santiago de Compostela, 28 de xullo de 2023
Elena Rivo López
Conselleira de Promoción do Emprego e Igualdade
ANEXO
Apelidos e nome: Vázquez Mariño, Carlos.
DNI: **3344***.
Grupo/subgrupo: A1.
Corpo ou escala: 0590-profesores do ensino secundario.
Código de posto: EM.601.00.901.15770.001.
Denominación: director/a.
Nivel: 28.
Centro directivo: Dirección Xeral de Formación para o Emprego e Orientación (Centro de Novas Tecnoloxías).
Localidade: Santiago de Compostela.
*O DNI amósase cifrado co fin de protexer os datos de carácter persoal.