Aprobado polo Acordo plenario na sesión do 31 de xullo de 2023 o cambio de clasificación duns terreos situados na rúa de Celso Emilio Ferreiro de equipamento deportivo a equipamento educativo (sistemas xerais de equipamentos SXEQ-03 e SXEQ-04) no CPI As Mirandas, consistente no cambio dunha área de 336,40 mts cualificada como equipamento deportivo a equipamento docente e motivado co fin de encaixar o programa de necesidades para ampliación do CPI As Mirandas que dotará o centro de 6 aulas e espazo de foro, así como biblioteca e unha aula nova de psicomotricidade, co quórum da maioría absoluta legal dos membros da Corporación segundo os artigos 47.2 da Lei 7/1985, do 2 de abril, 42 da Lei 2/2016, do 10 de febreiro, e 65 do Decreto 143/2016, do 22 de setembro, e o PXOM de Ares. Conseguintemente publícase o devandito acordo.

Así mesmo, faise constar que foi remitido o documento da modificación de cambio de clasificación, debidamente dilixenciado, en soporte dixital, á Consellería de Medio Ambiente e Ordenación do Territorio, para os efectos da súa inscrición no Rexistro de Planeamento Urbanístico de Galicia, segundo o disposto no artigo 88 da Lei 2/2016, do solo de Galicia, e no artigo 212.2 do Regulamento da citada lei.

Ares, 4 de agosto de 2023

Julio I. Iglesias Redondo
Alcalde