Co obxecto de dar cumprimento ao establecido no artigo 18.8 do Decreto 66/2016, do 26 de maio, polo que se aproba o Regulamento xeral de estradas de Galicia, procedeuse á publicación, no Boletín Oficial da provincia de Pontevedra e na páxina web www.depo.gal, do contido das seguintes actas de entrega de tramos de estradas provinciais:

No BOPPO número 131, do 7 de xullo de 2023:

– Acta de entrega ao Concello de Meaño do treito antigo de 111 metros da estrada provincial E.P. 9306 Covas-Padrenda (entre os puntos quilométricos 0+100 marxe esquerda da E.P. 9306 e o 2+520 marxe esquerda da E.P. 9302), asinada o día 29 de xuño de 2023.

No BOPPO número 135, do 13 de xullo de 2023:

– Acta de entrega ao Concello de Moaña do treito inicial de 260 metros da estrada provincial E.P. 1101 Moaña-Verducedo (entre os puntos quilométricos 0+000 e 0+260), asinada o día 5 de xullo de 2023.

O que se fai público para xeral coñecemento e demais efectos.

Pontevedra, 13 de xullo de 2023

Luis López Diéguez
Presidente da Deputación Provincial de Pontevedra