Mediante a Orde do 12 de abril de 2023 convocouse concurso de traslados específico entre o persoal docente funcionario de carreira do corpo de catedráticos e funcionario de carreira e en prácticas do corpo de profesores de ensino secundario, especialidade de orientación educativa, para cubrir prazas nos equipos de orientación específicos (DOG nº 78, do 24 de abril).
A base oitava desta convocatoria pública establece que a asignación da puntuación que lles corresponde ás persoas concursantes a realizará unha comisión de selección, agás da epígrafe III do anexo III do baremo, referida ás publicacións, que será efectuada pola mesma comisión que resulte para o concurso de traslados de ámbito estatal, convocado mediante a Orde do 4 de outubro de 2022.
Pola súa banda, mediante a Resolución do 6 de xullo de 2023, da Comisión de Selección, apróbanse e fanse públicas con esta data, no portal educativo, a relación provisional de admitidos e excluídos, as puntuacións provisorias e a adxudicación provisional correspondente ao concurso de traslados específico de prazas nos equipos de orientación específicos, convocado mediante a Orde do 12 de abril de 2023 (DOG nº 78, do 24 de abril).
Unha vez finalizado o prazo de presentación de reclamacións e renuncias e analizadas e resoltas as formuladas polas persoas concursantes nesta convocatoria, de acordo co disposto na base décimo terceira da dita convocatoria, procede aprobar a relación definitiva de persoas admitidas e excluídas, o baremo definitivo e a adxudicación definitiva, e realizar a súa publicación no portal da internet da Consellería de Cultura, Educación, Formación Profesional e Universidades www.edu.xunta.gal
En consecuencia, esta comisión de selección
RESOLVE:
Primeiro. Aprobar e facer pública, no portal da internet desta consellería www.edu.xunta.gal, como anexo I desta resolución, a relación definitiva de persoas candidatas admitidas e excluídas, coa especificación da/das causa/s de exclusión.
Ao mesmo tempo, decláranse admitidas de xeito definitivo todas as persoas concursantes.
Segundo. Aprobar e facer públicas, no portal da internet desta consellería www.edu.xunta.gal, como anexo II desta resolución, as puntuacións definitivas, como resultado da aplicación do baremo que rexe de conformidade coa base sétima desta orde, asignadas a cada unha das persoas concursantes admitidas.
Terceiro. Aceptar unha renuncia á participación neste concurso, presentada de conformidade co punto segundo da base décimo segunda, e facela pública no citado anexo II.
Cuarto. Adxudicar de xeito definitivo e facer público na páxina web desta consellería www.edu.xunta.gal, como anexo III desta resolución, o destino das persoas concursantes seleccionadas para cubrir as prazas que se especifican, consonte o establecido na base décimo primeira desta orde e segundo a orde de prelacións sinalada polas persoas concursantes na súa solicitude.
Así mesmo, declárase deserta tanto unha das vacantes ofertadas correspondente á especialidade de trastornos xeneralizados de desenvolvemento asignada ao Equipo de Orientación Específico da provincia de Lugo, ao non constar que se presentou o suficiente número de persoas candidatas solicitantes, como unha das vacantes ofertadas correspondente á especialidade de trastornos de conduta asignada ao Equipo de Orientación Específico da provincia de Pontevedra, por non acadaren as persoas solicitantes a puntuación mínima requirida para o proxecto unha vez admitida a renuncia presentada pola persoa que figura proposta na resolución provisional.
Quinto. De conformidade coa base décimo cuarta da citada orde, as prazas adxudicadas teñen carácter definitivo, de maneira que as persoas seleccionadas deberán incorporarse e tomar posesión con data de efectividade do 1 de setembro de 2023, e cesarán, de ser o caso, no seu destino de procedencia o 31 de agosto.
Sexto. Ao abeiro do dispostos nas bases décimo terceira e décimo quinta da citada orde, apróbase e faise pública, no portal da internet desta consellería www.edu.xunta.gal, como anexo IV desta resolución, a listaxe definitiva de persoas aspirantes por especialidade para os efectos da cobertura provisional de prazas que queden definitiva ou temporalmente vacantes nos equipos de orientación específicos.
Sétimo. De conformidade co punto terceiro da base décimo terceira desta orde, contra esta resolución, que esgota a vía administrativa, as persoas interesadas poderán interpor recurso de reposición ante a persoa titular da Dirección Xeral de Centros e Recursos Humanos no prazo dun mes, contado a partir do día seguinte ao da súa publicación no DOG, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 24 de xullo de 2023
José Luis Canosa Baldomir
Presidente da Comisión de Selección
ANEXO I
Relación definitiva de persoas candidatas admitidas e excluídas
Orde do 12 de abril de 2023, concurso de méritos de equipos de orientación específicos
(DOG núm. 78, do 24 de abril)
A) Relación definitiva de persoas candidatas admitidas.
DNI/NIE |
Nome e apelidos |
***1582** |
Adriana Recamán Payo |
***7300** |
Alba González Viso |
***8653** |
Alba Piay García |
***7772** |
Betina Rosana Represas Vázquez |
***6385** |
Consuelo Rodríguez Prieto |
***9413** |
Elena Sánchez López |
***5450** |
Elia Vázquez Varela |
***6461** |
Elvira González Santamarina |
***5904** |
Eva Sampedro Ageitos |
***4944** |
Felicidad Otero Daviña |
***5892** |
Iria Fernández Ordóñez |
***9125** |
Jorge Pérez Diéguez |
***9697** |
José Luis Diéguez Ruibal |
***5262** |
Manuel José Lage López |
***8958** |
María del Carmen Garabal Gómez |
***7217** |
María Esperanza López Cordido |
***7547** |
Marta Bermúdez Crespo |
***8798** |
Miguel Calvo Marques |
***9853** |
Mónica Diz Besada |
***4990** |
Olalla Méndez Arias |
***9931** |
Pablo Miranda Otero |
***1833** |
Paula Dopico González |
***0956** |
Rosa María Cameselle González |
B) Relación definitiva de persoas candidatas excluídas.
Non consta ningunha persoa candidata solicitante