De acordo co convenio de colaboración subscrito o 6 de xullo de 2023 entre a Corporación Radio e Televisión de Galicia, S.A. (en diante, CRTVG) e a Escola Galega de Administración Pública (en diante, EGAP) para a convocatoria e o desenvolvemento de actividades de formación, divulgación e investigación,
RESOLVO:
Convocar os cursos que figuran no anexo II, que deberá desenvolverse segundo as bases detalladas no anexo I.
Santiago de Compostela, 21 de xullo de 2023
Sonia Rodríguez-Campos González
Directora da Escola Galega de Administración Pública
ANEXO I
Primeira. Requisitos das persoas participantes
Poderán participar na acción formativa convocada nesta resolución os/as empregados/as públicos/as que presten servizo na Corporación Radio e Televisión de Galicia, S.A. (en diante, CRTVG), que se atopen en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e reúnan os requisitos establecidos nesta convocatoria e para cada un dos casos no anexo II.
Segunda. Desenvolvemento das actividades de formación
As actividades formativas realizaranse cos requirimentos, a duración e as condicións que para cada unha delas se indiquen na convocatoria. A información relativa ao desenvolvemento das actividades, así como as súas posibles modificacións, será actualizada e ampliada na páxina web https://egap.xunta.gal
Terceira. Acceso ás actividades formativas de emerxencia e primeira intervención
O acceso será a través da páxina web da EGAP: (EGAP) https:// egap.xunta.gal e unha vez dentro haberá que seguir as seguintes instrucións:
1. É preciso estar rexistrado na área de matrícula da EGAP. Para iso ten que premer na icona «área de matrícula» da páxina web da EGAP e rexistrarse premendo en «rexistrar unha conta para acceder ás aplicacións», situada na parte inferior da pantalla (no caso de que o/a traballador/a xa estivera rexistrado/a este paso non será necesario).
2. A EGAP procederá á matriculación do alumnado indicado pola Corporación Radio e Televisión de Galicia, S.A.
3. Unha vez rexistrado/a e matriculado/a poderá acceder ao curso o día do seu comezo.
4. Antes de que comece o curso, o/a titor/a enviaralle un correo electrónico ao alumnado coa guía do curso, que conterá a data de comezo, as instrucións, os obxectivos, o cronograma e o método de avaliación do curso.
5. As persoas interesadas en recibir mensaxes sobre o proceso de selección deberán facilitar un enderezo de correo electrónico e/ou un número de teléfono móbil.
6. A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 62 54 e 981 54 63 35 en horario de atención ao publico (das 9.00 ás 14.00 horas) e do enderezo de correo electrónico xestion.egap@xunta.gal
Cuarta. Comprobación de datos
1. Conforme o disposto no artigo 28.2 da Lei 39/2015, do 1 de outubro, do procedemento administrativo común das administracións públicas, para a tramitación do procedemento de selección consultaranse automaticamente os datos das persoas solicitantes das accións formativas necesarios para realizar o proceso de selección, agás que a persoa interesada se opuxese a iso. Neste caso, a persoa interesada deberá indicalo incluíndo os motivos de oposición relacionados coa súa situación particular e achegar ademais unha copia dos documentos a cuxa consulta se opón a través do seguinte enderezo electrónico: xestion.egap@xunta.gal
2. No caso de que as persoas interesadas se opoñan a esta consulta deberán indicalo expresamente incluíndo os motivos de oposición relacionados coa súa situación particular e achegar os documentos que indiquen a súa situación administrativa, tipo de persoal e antigüidade na Administración a través do seguinte enderezo electrónico xestion.egap@xunta.gal
3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
4. A EGAP poderá pedir as certificacións necesarias para realizar a selección.
Quinta. Criterios de selección
A Corporación Radio e Televisión de Galicia, S.A. indicará o persoal que realizará esta formación.
O criterio de selección será por orde de inscrición ata esgotar a totalidade das prazas.
Sexta. Publicación das relacións do alumnado seleccionado
1. A EGAP publicará no enderezo https://egap.xunta.gal unha relación das persoas seleccionadas para participar en cada curso, de acordo co disposto no artigo 45.1.b) da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
O prazo de presentación de alegacións será de dez días desde a súa publicación, de acordo co artigo 68.1 da Lei 39/2015, do 1 de outubro, do procedemento administrativo común das administracións públicas.
2. Logo de transcorrer o prazo de alegacións, a EGAP publicará no enderezo https://egap.xunta.gal a listaxe definitiva de persoas admitidas no curso. Contra esta listaxe poderase interpoñer recurso de alzada no prazo dun mes desde a dita publicación, de acordo co disposto polos artigos 112.1, 121 e 122 da Lei 39/2015, do 1 de outubro, do procedemento administrativo común das administracións públicas.
Sétima. A asistencia
A asistencia:
a) Son obrigatorias a asistencia ás sesións da actividade formativa e mais a puntualidade.
b) Durante a actividade formativa terá lugar un control permanente de asistencia e puntualidade, incluídos controis extraordinarios.
c) As faltas de asistencia:
1. Non poden superar en ningún caso o 10 % das horas lectivas. En todo caso, as faltas de asistencia deberán xustificarse documentalmente ante as persoas responsables da actividade formativa nun prazo máximo de 10 días contados a partir do día da finalización desta actividade. As persoas que incumpran o antedito perderán o dereito ao certificado de participación na actividade formativa.
2. Aquelas persoas cuxas faltas de asistencia superen o 50 % das horas lectivas presenciais, pasarán ao final das listaxes de agarda de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.
Oitava. Superación da actividade formativa
Para poder superar a actividade de formación, o alumnado deberá superar unha proba de avaliación que se realizará ao final dela.
Novena. Certificados
Para a obtención do certificado de aproveitamento o alumnado deberá obter a avaliación positiva do seu profesorado, o cal emitirá un informe en que declare apto/a ou non apto/a cada alumno/a en función do resultado da proba de avaliación.
Décima. Facultades da EGAP e da Corporación Radio e Televisión de Galicia, S.A.
1. A EGAP e a Corporación Radio e Televisión de Galicia, S.A. poderán modificar o desenvolvemento, as datas e os lugares da actividade formativa, así como resolver todas as continxencias que poidan xurdir. Tamén lle corresponde a ambos os dous organismos prover canto sexa necesario para a execución e cumprimento desta resolución.
2. No suposto de que o número de admitidos/as sexa inferior ao 50 % das prazas convocadas, a EGAP e a Corporación Radio e Televisión de Galicia, S.A. resérvanse o dereito a suspender ou cancelar a actividade, caso en que empregarán os medios de notificación ás persoas interesadas previstos na normativa vixente.
3. A EGAP e a Corporación Radio e Televisión de Galicia, S.A. garantirán na actividade derivada desta convocatoria a promoción da igualdade real e efectiva entre mulleres e homes, a eliminación de calquera tipo de discriminación e o fomento dos dereitos de conciliación.
ANEXO II
|
Código |
Denominación |
Persoal destinatario |
Prazas |
Horas |
Cualificación |
Modalidade/ |
Data inicio |
Data fin |
Data exame |
|
Lingua galega |
|||||||||
|
CV23059 |
A normativa do galego estándar: actualización gramatical, ortográfica e léxica |
Persoal da Corporación Radio e Televisión de Galicia, S.A. (CRTVG) |
30 |
40 |
Aproveitamento |
Teleformación |
11.9.2023 |
4.10.2023 |
9.10.2023 ás 16.30 horas |
|
Telepresenza: – 12 e 28 de setembro das 16.30 ás 18.30 horas. – 14, 19, 21 e 26 de setembro das 6.30 ás 19.30 horas. |
|||||||||
|
Portal de idiomas |
|||||||||
|
CV23064 |
Lingua inglesa. Nivel intermedio 1 (nivel 6) |
Persoal da Corporación Radio e Televisión de Galicia, S.A. (CRTVG) |
50 |
50 |
Aproveitamento |
Teleformación |
18.9.2023 |
6.11.2023 |
9.11.2023 ás 17.30 horas |
|
Plan formativo ofimático de Galicia |
|||||||||
|
CV23060 |
Aplicacións informáticas de follas de cálculo (LibreOffice Calc) |
Persoal da Corporación Radio e Televisión de Galicia, S.A. (CRTVG) |
50 |
50 |
Aproveitamento |
Teleformación |
18.9.2023 |
6.11.2023 |
9.11.2023 ás 16.30 horas |
|
CV23061 |
Aplicacións informáticas de tratamento de textos (LibreOffice Writer) |
Persoal da Corporación Radio e Televisión de Galicia, S.A. (CRTVG) |
50 |
30 |
Aproveitamento |
Teleformación |
26.9.2023 |
26.10.2023 |
2.11.2023 ás 16.30 horas |
|
Administración electrónica, protección de datos e calidade administrativa |
|||||||||
|
CV23063 |
Introdución á protección de datos persoais e garantía dos dereitos dixitais |
Persoal da Corporación Radio e Televisión de Galicia, S.A. (CRTVG) |
50 |
30 |
Aproveitamento |
Teleformación |
23.10.2023 |
22.11.2023 |
27.11.2023 ás 17.00 horas |
|
Comunicación, organización do traballo e mellora das habilidades |
|||||||||
|
CV23066 |
Organización e simplificación do traballo administrativo |
Persoal da Corporación Radio e Televisión de Galicia, S.A. (CRTVG) |
50 |
12 |
Aproveitamento |
Teleformación |
3.11.2023 |
16.11.2023 |
21.11.2023 ás 18.00 horas |
|
CV23067 |
Prevención e xestión de conflitos |
Persoal da Corporación Radio e Televisión de Galicia, S.A. (CRTVG) |
50 |
25 |
Aproveitamento |
Teleformación |
26.9.2023 |
20.10.2023 |
26.10.2023 ás 18.00 horas |
|
CV23068 |
Protocolo institucional na Administración pública |
Persoal da Corporación Radio e Televisión de Galicia, S.A. (CRTVG) |
50 |
20 |
Aproveitamento |
Teleformación |
2.11.2023 |
22.11.2023 |
27.11.2023 ás 18.00 horas |
|
Igualdade e violencia de xénero |
|||||||||
|
CV23062 |
Básico en igualdade e prevención e loita contra a violencia de xénero |
Persoal da Corporación Radio e Televisión de Galicia, S.A. (CRTVG) |
50 |
20 |
Aproveitamento |
Teleformación |
11.9.2023 |
29.9.2023 |
4.10.2023 ás 16.30 horas |
|
CV23065 |
Muller, medios de comunicación e TIC |
Persoal da Corporación Radio e Televisión de Galicia, S.A. (CRTVG) |
50 |
25 |
Aproveitamento |
Teleformación |
26.10.2023 |
20.11.2023 |
24.11.2023 ás 17.30 horas |