De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de ser intentada sen éxito a notificación persoal a través do servizo de Correos, notifícaselles ás persoas interesadas que se sinalan no anexo deste anuncio o inicio do expediente PSC-CO-0314/2023-V e tres máis.

A eficacia do acto queda supeditada á súa publicación no taboleiro de edictos único do Boletín Oficial del Estado, polo que o prazo para presentar alegacións computarase desde esa publicación.

As persoas interesadas poderán comparecer nas oficinas da sede da Xefatura Territorial da Consellería do Mar, sitas na rúa Ramón y Cajal, 2, 5º, A Coruña, das 9.00 ás 14.00 horas, de luns a venres, para o coñecemento íntegro do acordo de inicio e constancia de tal coñecemento.

As persoas interesadas dispoñen dun prazo de 15 días para achegaren cantas alegacións, documentos ou informacións xulguen pertinentes e, de ser o caso, propoñer proba concretando os medios de que pretendan valerse, segundo o disposto no artigo 64.2.f) da Lei 39/2015, do 1 de outubro.

De non efectuar alegacións sobre o contido do acordo de inicio no prazo previsto no artigo citado, este poderá ser considerado proposta de resolución, cos efectos previstos para esta no artigo 89.2 do Lei 39/2015, do 1 do outubro, de conformidade co establecido no artigo 64.2.f) citado.

A Coruña, 30 de xuño de 2023

Mª José Cancelo Baquero
Xefa territorial da Coruña

ANEXO

Núm. de expediente	DNI/NIF/NIE	Acto que se notifica	Enderezo
PSC-CO-0314/2023-V	76321850F	Inicio	Prado da Viña, 10, 15155 Fisterra (A Coruña)
PSC-CO-0317/2023-ACU	52452596S	Inicio	Lugar Igrexa, 21, Cespón, 15990 Boiro (A Coruña)
PSC-CO-0366/2023-V	52938137A	Inicio	Praza Valle Inclán, 3, 15940 A Pobra do Caramiñal (A Coruña)
PSC-CO-0406/2023-V	32787104Y	Inicio	San Vicente, 11, 2º dta, 15007 A Coruña