De conformidade co artigo 36 da Lei 21/2013, do 9 de decembro, de avaliación ambiental, sométese ao trámite de información pública o proxecto de ordenación forestal PO-00011150H, así como o seu estudo de impacto ambiental ordinario, da Sofor Santa Juliana, S.L., na parroquia de Santiago de Cereixido, no concello da Fonsagrada.

Durante o prazo de trinta días hábiles, contados desde o día seguinte ao da publicación deste anuncio no Diario Oficial de Galicia, a documentación está ao dispor do público, para a súa consulta, nas oficinas do Servizo de Montes de Lugo (rolda da Muralla, 70, baixo 2º) e na seguinte ligazón:

https://mediorural.xunta.gal/es/temas/desarrollo-rural/avaliacion-de-impacto-ambiental/informacion-publica-de-eia

Para os efectos deste expediente, o órgano substantivo é a Dirección Xeral de Ordenación Forestal.

Durante o prazo sinalado, as alegacións, suxestións ou observacións dirixiranse á Xefatura Territorial do Medio Rural de Lugo a través de calquera rexistro previsto no artigo 16.4 da Lei 39/2015, do 1 de outubro, do procedemento administrativo común das administracións públicas.

Lugo, 30 de xuño de 2023

María Olga Iglesias Fontal
Xefa territorial de Lugo