A Xunta de Goberno Local do Concello de Santiago de Compostela, na sesión ordinaria que tivo lugar o día 15 de maio de 2023, adoptou o seguinte acordo:

Primeiro. Aprobar inicialmente a modificación puntual (MP) do Plan parcial do SUNP7 (O Avío), segundo o proxecto presentado o día 9 de maio de 2023, por María del Carmen Míguez Rodríguez, redactado polos arquitectos Manuel Carbajo e Celso Barrios. O ámbito territorial obxecto da modificación proposta limítase á parcela catastral 000800500NH34H0001JH, sita no número 7 da rúa de Vite de Arriba.

Segundo. En aplicación do procedemento regulado nos artigos 75 da Lei 2/2016 do solo de Galicia (LSG) e 186 do seu regulamento (RLSG), a modificación puntual inicialmente aprobada someterase a información pública, durante o prazo de dous meses, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Simultaneamente, practicarase notificación persoal aos propietarios das parcelas afectadas, segundo figuren no Catastro.

Durante o trámite de información pública darase traslado ás empresas subministradoras de servizos e solicitaranse os informes sectoriais preceptivos.

O que se publica co fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión Urbanística do Concello de Santiago (Pazo de Raxoi, 2º andar), de luns a venres, das 9.00 ás 14.00 horas; e na páxina web do Concello https://transparencia.santiagodecompostela.gal/Modificacion-puntual-Plan-parcial-SUNP7.-O-Avio/gl

As alegacións poderán presentarse na sede electrónica do Concello de Santiago de Compostela na epígrafe «Catálogo de trámites» a través do trámite «Presentación de documentación e alegacións» e da opción «Achega libre». Deberase introducir o dato 2022/37624G no campo «Referencia» e incorporar o documento das alegacións.

Tamén se poderán presentar as alegacións por calquera dos outros medios relacionados no artigo 16 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 6 de xuño de 2023

O alcalde en funcións
P.D. (DEC/4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica