No Diario Oficial de Galicia do 29 de decembro de 2022 publicouse o Anuncio do 28 de decembro de 2022 polo que se convoca o proceso selectivo para a cobertura, pola quenda de acceso libre e mediante o sistema de concurso, dunha praza de xefe/a de negociado (categoría 002 do grupo III) con destino na Xerencia da Axencia Galega da Calidade Alimentaria.
O prazo de presentación de solicitudes, de 20 días hábiles, iniciouse o 16.1.2023, ás 00.00 horas e rematou o 10.2.2023 ás 23.59. Transcorrido este prazo, de acordo coa prescrición do artigo 7 das bases, o día 1.3.2023 publicouse a lista provisional de admitidos e excluídos, así como a lista de aspirantes pendentes de acreditar a posesión do título Celga 4, e abriuse un prazo de 10 días hábiles, contados a partir do seguinte ao da publicación, para a presentación de emendas. Rematado o prazo outorgado sen constar ningunha emenda, o 30.3.2023 publicouse a lista definitiva.
O 12.5.2023 publicouse a Resolución do 2 de maio de 2023, da Axencia Galega da Calidade Alimentaria, pola que se nomean os membros das comisións de selección das prazas de persoal laboral adscritas á Axencia Galega da Calidade Alimentaria, referenciadas no anexo I do Decreto 79/2022, identificando unha Comisión A para a selección da persoa que ocupará a praza da xefatura de negociado (grupo III, categoría II), adscrita á Xerencia da Axencia Galega da Calidade Alimentaria (Santiago de Compostela), e outra Comisión B, para a selección das persoas que ocuparán as dúas prazas de titulado/a superior investigador/a (grupo I, categoría IV), adscritas ao Centro de Investigación Forestal de Lourizán, e as dúas de doutor/a investigador/a (grupo I, categoría IV), adscritas ao Centro de Investigacións Agrarias de Mabegondo.
O 16.6.2023, a presidencia da Comisión A asinou a resolución pola que se comunican as puntuacións definitivas do concurso para a selección da persoa que ocupará a praza da xefatura de negociado e se propón a selección da única candidata admitida.
Por todo o exposto, o presidente da Axencia, no exercicio das competencias previstas no artigo 13 do Decreto 52/2018 polo que se crea a Axencia Galega da Calidade Alimentaria e se aproban os seus estatutos
RESOLVO:
Primeiro. Puntuacións definitivas e proposta
Publicar a puntuación definitiva comunicada pola Comisión de selección A para a selección da persoa que ocupará a praza da xefatura de negociado (grupo III, categoría II), adscrita á Xerencia da Axencia Galega da Calidade Alimentaria (Santiago de Compostela) e a proposta de selección consecuente.
Apelidos e nome |
DNI |
Experiencia |
Formación |
Total |
||
1A) |
1B) |
Cursos |
Gal |
|||
Monje Santos, Susana Camino |
****915** |
51 |
5,75 |
20 |
5 |
81,75 |
Segundo. Selección
Aprobar a selección de Susana Camino Monje Santos para ocupar a praza da xefatura de negociado (grupo III, categoría II), adscrita á Xerencia da Axencia Galega da Calidade Alimentaria (Santiago de Compostela).
Terceiro. Entrada en vigor
A presente resolución entrará en vigor o día seguinte ao da súa publicación no Diario Oficial de Galicia.
Cuarto. Impugnación
Contra esta resolución as persoas interesadas poderán interpoñer recurso de reposición, no prazo dun mes contado desde o día seguinte ao da súa publicación, ante o presidente da Axencia Galega da Calidade Alimentaria, nos termos previstos nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo, perante o órgano competente da orde xurisdicional contencioso-administrativa, no prazo de dous meses, nos termos previstos na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 20 de xuño de 2023
José Luis Cabarcos Corral
Director da Axencia Galega da Calidade Alimentaria