A Xefatura Territorial de Ourense da Consellería de Economía, Industria e Innovación fai público que o director xeral de Planificación Enerxética e Recursos Naturais, por delegación de competencias da conselleira de Economía, Industria e Innovación, asinou, o 16 de xuño de 2023, a resolución pola que se amplía a declaración da condición de mineral natural das augas procedentes da sondaxe denominada Sousas II S-1 ás augas procedentes da sondaxe S-3, no lugar de Folgoso, Ábedes, concello de Verín, provincia de Ourense, cos seguintes datos:

– Nome: Sousas S-3.

– Recurso: sección B) auga mineral natural.

– Concello: Verín.

– Procedencia de extracción: nacional.

– Titular: Euroinversiones Aguas de Sousas, S.L.U.

– Situación: coordenadas UTM (ETRS 89) fuso 29: X: 632.283 e Y: 4.644.113.

O que se fai público para coñecemento xeral e en cumprimento da alínea b) do artigo 3 do Real decreto 1798/2010, do 30 de decembro, polo que se regula a explotación e comercialización de augas minerais naturais e augas de manancial envasadas para consumo humano, no relativo a augas nacionais.

En cumprimento das obrigas de publicidade recollidas no artigo 29 da Lei 1/2016, do 18 de xaneiro, de transparencia e bo goberno, esta resolución poderá examinarse no portal da Consellería de Economía, Industria e Innovación:

https://ceei.xunta.gal/transparencia/informacion-publica/autorizacions-administrativas/instalacions-mineiras

Ourense, 21 de xuño de 2023

Alicia María López Míguez
Xefa territorial de Ourense