Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción, e a declaración de utilidade pública, en concreto, da seguinte instalación eléctrica.

Denominación: sustitución y PES de interruptor telecontrolado en Sarria (Lugo).

Solicitante: UFD Distribución Electricidad, S.A.

Domicilio social: avenida de América, 38, 28028 Madrid.

Características técnicas:

– Substitución do apoio existente de formigón núm. BXPEJ1MA//39B-3 da LAMT 20 kV SAR806 Cogeneradores Onte y Saripi 6 por un novo apoio metálico tipo C-2000-14, no cal se proxecta a instalación dun novo interruptor TC.

– Renovación do condutor LA-110 entre o apoio núm. BXNFWM3J//39B-2 existente e o apoio proxectado núm. BXPEJ1MA//39B-3 da LAMT 20 kV SAR806 Cogeneradores Onte y Saripi 6, cunha lonxitude de 100 m.

– Retensado do treito da LAMT 20 kV SAR806 Cogeneradores Onte y Saripi 6, comprendido entre o apoio núm. BXPEJ1MA//39B-3 proxectado e o apoio núm. BXR8MQTW//39B-4 existente, cunha lonxitude de 131 m.

A declaración de utilidade pública, segundo o sinalado no artigo 56 da citada Lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figura no anexo que se insire xunto con esta resolución.

Aquelas persoas ou entidades que se consideren afectadas poderán presentar as súas alegacións nesta xefatura territorial (Edificio Administrativo da Xunta de Galicia en Lugo, rolda da Muralla, 70), referidas ás posibles limitacións á constitución da servidume de paso de liñas eléctricas (artigo 161 do Real decreto 1955/2000) e aqueloutras que consideren oportunas no prazo de trinta días hábiles contados desde o día seguinte ao da última publicación ou ao da notificación individual.

Durante este prazo poderase examinar o proxecto das instalacións nesta xefatura territorial de luns a venres entre as nove da mañá e as dúas da tarde, e na seguinte ligazón web da Consellería:

https://economia.xunta.gal/transparencia/instalacions-electricas/sarria

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados, segundo dispón o artigo 56.2 do Regulamento da Lei de expropiación forzosa (BOE núm. 160, do 27 de xuño).

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidese realizar, e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 26 de maio de 2023

O xefe territorial de Lugo
P.A. (Artigo 41.3 do Decreto 116/2022, do 23 de xuño)
Juan Carlos Morán del Pozo
Xefe do Servizo de Industria

anexo

Expediente: IN407A 2023/50-2.

Denominación: substitución e PES de interruptor telecontrolado en Sarria (Lugo).

Concello: Sarria.

Predio	Pol.	Parc.	Lugar	Cultivo	Propietario	Apoio nº	Sup. m2
1	15	545	Cruzamento Pozo	Monte baixo	Descoñecido	BXPEJ1MA/39B-3	2