Visto o expediente para outorgamento da autorización administrativa previa e de construción da instalación eléctrica que a seguir se describe:
Solicitante: Unión Fenosa Distribución, S.A.
Domicilio: rúa A Batundeira, 2, Velle, Ourense.
Denominación: regulamentación LAMT BCR803 Corgo 3 entre os apoios CSAFWCRJ//59-35-14 e CBOL4UAX//59-35-42-CT (Baralla).
Situación: Concello de Baralla.
Características técnicas:
– Reforma da BCR803 derivada a CTI Busto 27A995, actualmente en apoios de madeira en mal estado, consistente en:
• LMT aérea existente con orixe no apoio existente CASFWCRJ//59-35-14 e final no apoio proxectado CATXJVEG//59-35-16, cunha lonxitude de 80 metros en condutor tipo LA-30 (retensado).
• LMT aérea proxectada con orixe no apoio proxectado CATXJVEG//59-35-16 e final no apoio existente CBOL4UAX//59-35-42-CT, cunha lonxitude de 1.419 metros en condutor tipo LA-56, tensados sobre 15 apoios de celosía metálica proxectados.
Finalidade da instalación: mellora de instalacións.
Orzamento: 42.274,25 euros.
– Documentación que se xunta:
• Separata para o Concello de Baralla.
• Separata para a Consellería do Medio Rural.
• Separata para a CHMS.
Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,
resolve:
En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:
Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.
Segunda. O solicitante asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.
Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, contado a partir do día seguinte ao da notificación ou publicación desta resolución; tamén se poderá interpor calquera outro recurso que se consideren pertinente en dereito.
Lugo, 29 de maio de 2023
Gustavo José Casasola de Cabo
Xefe territorial de Lugo