De conformidade co disposto nos artigos 44 e 45 da Lei 39/2015, do 1 de outubro, do procedemento administrativo común das administracións públicas, logo de tentada a notificación persoal nos termos establecidos no artigo 42.2 da dita Lei 39/2015, emprázase a entidade interesada que se sinala no anexo para ser notificado por comparecencia.

O acto foi adoptado polo director xeral de Política Financeira e Tesouro.

A comparecencia para coñecer o contido íntegro destes actos deberá efectuarse no prazo de 10 días, contados desde o seguinte ao da publicación deste anuncio, na sede desta dirección xeral (Consellería de Facenda e Administración Pública), sita no Edificio Administrativo San Caetano, bloque 3, 15781 Santiago de Compostela (A Coruña), das 9.00 ás 14.00 horas, de luns a venres.

A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado, polo que os prazos se computarán desde esta publicación.

Transcorrido o dito prazo sen efectuarse a comparecencia, a notificación entenderase producida desde o día seguinte ao vencemento do prazo sinalado para comparecer.

Santiago de Compostela, 29 de maio de 2023

David Cabañó Fernández
Director xeral de Política Financeira e Tesouro

ANEXO

Expediente aval AV/0601: Resolución da Dirección Xeral de Política Financeira e Tesouro do 21 de abril de 2023

Entidade interesada: Agrícola Tomiñesa, S.L.

Acto notificado: Resolución pola que se declara a existencia dun crédito a favor da Tesouraría da Comunidade Autónoma contra a entidade mercantil Agrícola Tomiñesa, S.L. e o inicio do procedemento para a súa reclamación, ao abeiro do disposto no artigo 10 do Decreto 284/1994, do 15 de setembro, que regula a concesión de avais do Instituto Galego de Promoción Económica (Igape).