De conformidade co artigo 47 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público o informe de impacto ambiental do 30 de maio de 2023 do proxecto de cambio de uso de forestal a agrícola de tres parcelas (13,47 ha) no monte veciñal en man común de Amoedo, na parroquia de Amoedo, no concello de Pazos de Borbén (Pontevedra), promovido pola Comunidade do Monte Veciñal en Man Común (CMVMC) de Amoedo.
Este informe poderase consultar na seguinte ligazón:
https://cmatv.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental, Sostibilidade e Cambio Climático, sitas en Santiago de Compostela (San Lázaro, s/n, planta baixa).
Santiago de Compostela, 31 de maio de 2023
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático