Aprobada inicialmente polo Pleno Municipal, en sesión ordinaria do 30 de marzo de 2023, a modificación puntual das normas subsidiarias do planeamento do Concello de Vilalba no parque empresarial Sete Pontes, en cumprimento da parte dispositiva do acordo plenario, e do preceptuado polo artigo 60.6 da Lei 2/2016, do 10 de febreiro, do solo de Galicia, sométese o expediente a información pública polo prazo de dous (2) meses, mediante anuncio que se publicará no Diario Oficial de Galicia e no xornal El Progreso, contado desde o día seguinte ao da publicación do presente anuncio no Diario Oficial de Galicia.

A documentación sometida a información pública, que abarcará todos os documentos integrantes do expediente número 3762/2017 tramitado para o efecto, incluídos un resumo executivo, o estudo ambiental estratéxico e un resumo non técnico do estudo ambiental estratéxico, estará dispoñible no portal de transparencia da sede electrónica do Concello de Vilalba, no cartapacio dixital Planificación e ordenación urbanística e medio ambiental, a través da seguinte ligazón https://vilalba.sedelectronica.es/transparency/8d28df79-e32c-464e-b1f4-a4850740db14/

Durante o período de información pública quedará o expediente ao dispor de calquera que queira examinalo, para os efectos de que se presenten as alegacións que se consideren pertinentes.

Vilalba, 9 de maio de 2023

María Elba Veleiro Fernández
Alcaldesa