Mediante a Orde do 9 de xaneiro de 2023, da Consellería de Promoción do Emprego e Igualdade (DOG núm. 26, do 7 de febreiro), establecéronse as bases reguladoras do certame Cooperativismo no ensino, dirixido ao alumnado dos centros educativos de Galicia, e procedeuse á súa convocatoria para o ano 2023.
Nas bases reguladoras establécese que os traballos participantes neste concurso serán avaliados por un tribunal e que a persoa titular da Secretaría Xeral de Apoio ao Emprego, Traballo Autónomo e Economía Social resolverá a concesión dos premios, que serán obxecto de publicación no Diario Oficial de Galicia.
Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 24 e 25 de maio de 2023, mediante a Resolución da Secretaría Xeral de Apoio ao Emprego, Traballo Autónomo e Economía Social, do 25 de maio de 2023, aprobouse a concesión dos premios.
Por todo o anterior,
DISPOÑO:
Facer pública a concesión dos premios do certame Cooperativismo no ensino 2023 dirixido ao alumnado dos centros educativos de Galicia que se relacionan no anexo que se xunta a esta resolución.
Santiago de Compostela, 26 de maio de 2023
Covadonga Toca Carús
Secretaria xeral de Apoio ao Emprego, Traballo Autónomo
e Economía Social
ANEXO
Certame Cooperativismo no ensino 2023
• Modalidade de actividades artísticas, dirixida ao alumnado dos centros de educación infantil, primaria e educación especial por categorías:
– Categoría A: alumnado de 2º ciclo de educación infantil.
Premio ao mellor traballo: Todo funciona se cooperamos do CEIP Plurilingüe Domaio.
Accésit: O clan dos superheroes e heroínas do CEIP Pintor Antonio Fernández.
– Categoría B: alumnado de 1º e 2º de educación primaria.
Premio ao mellor traballo: Xogamos xuntos por un mundo cooperativo do CEIP Plurilingüe Domaio.
Accésit: Cooperaglú do CEIP San Miguel de Reinante.
– Categoría C: alumnado de 3º e 4º de educación primaria.
Premio ao mellor traballo: Cooperación triunfo do CEIP San Miguel de Reinante.
Accésit: Cooperar ao son das ondas do CEIP Plurilingüe Domaio.
– Categoría D: alumnado de 5º e 6º de educación primaria.
Premio ao mellor traballo: A cooperación une xeracións do CEIP Plurilingüe Domaio.
Accésit: Cooperegueifa do CEIP San Miguel de Reinante.
• Modalidade de actividades cooperativizadas, dirixida ao alumnado dos centros de educación secundaria obrigatoria e educación especial:
Premio ao mellor traballo: EcoValadares: S. Coop. Xuvenil Galega de Valadares do IES Valadares.
Accésit: Vivindo do conto do CPR Plurilingüe Luis Vives.
• Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial:
Premio ao mellor proxecto empresarial cooperativo: Holística, Sociedade Cooperativa Galega presentado polo alumnado do IES A Guía.
Accésit ao proxecto empresarial finalista: Sail2day presentado polo alumnado da Sociedade Cooperativa Galega Mendiño.
