Na Asemblea Xeral da Real Federación Galega de Vela, do 22 de decembro de 2022, acordouse a modificación do artigo 39 dos seus estatutos nos seguintes termos:
«Artigo 39
A duración do cargo de presidente será de 4 anos, coincidindo cos anos dos xogos olímpicos de inverno, salvo causas excepcionais autorizadas pola Administración deportiva da Xunta de Galicia, e poderá ser reelixido por máis períodos de igual duración. O cargo será honorífico e en caso extraordinario, cando se estableza una compensación económica xustificada, ten que ser expresamente acordada por maioría absoluta dos asistentes á asemblea xeral e constar de maneira diferenciada no orzamento. En ningún caso a compensación económica poderá ser satisfeita con cargo ás subvenciones públicas que reciba a Federación. O presidente non poderá exercer actividades de técnico, xuíz, árbitro, profesor ou directivo dun club, sexa onerosa ou gratuitamente.
No caso de que, excepcionalmente, quede vacante a presidencia antes de que transcorra o prazo para o que foi elixido, considerarase dimisionaria toda a xunta directiva, e a comisión delegada constituirase en comisión xestora, presidida polo membro de maior idade. Convocará a asemblea xeral e esta acordará unha nova elección do presidente para cubrir a vacante polo tempo que falte ata a terminación do prazo correspondente ao mandato ordinario. Se a vacante se produce por prosperar unha moción de censura, haberá que aterse ao disposto no artigo 43 destes estatutos».
Vigo, 12 de maio de 2023
Manuel Villaverde Fernández
Presidente