Para os efectos previstos no artigo 29 da Lei 5/2017, do 19 de outubro, de fomento da implantación de iniciativas empresariais en Galicia (BOE núm. 273, do 10 de novembro), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposta a documentación correspondente á solicitude de autorización ambiental integrada e ao estudo de impacto ambiental da planta de produción de amoníaco verde presentada por Armonía Green Galicia, S.L., co fin de que calquera persoa interesada poida consultala e, de ser o caso, formular dentro do dito prazo as alegacións, suxestións ou observacións que considere convenientes.
A documentación estará á disposición das persoas administradas nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, 15781 Santiago de Compostela). Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente y sostenibilidad>>prevención y control de actividades>>autorización ambiental integrada >>proyectos en información pública).
Santiago de Compostela, 31 de marzo de 2023
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Expediente: 2023-IPPC-I-11.
Titular: Armonía Green Galicia, S.L.
NIF: B88499033.
Domicilio social: rúa Cardenal Marcelo Spinola, 4, 1º andar, porta D, 28016 Madrid.
Localización da instalación: porto exterior da Coruña, avenida Punta Langosteira, s/n, zona B2, 15141 Arteixo (A Coruña).
Actividade: produción de amoníaco verde.
Categoría principal da actividade: categoría 4.2.a) do anexo I do Real decreto lexislativo 1/2016, do 16 de decembro.
Descrición do proceso: producirase amoníaco verde a partir de nitróxeno e hidróxeno electrolítico (xerado, pola súa vez, a partir de recursos renovables noutra planta). Os bloques principais en que se estruturará a planta son os seguintes: produción de nitróxeno mediante un proceso de separación crioxénica do aire, produción de amoníaco mediante o proceso Haber-Bosch, almacenamento de amoníaco refrixerado, sistema de refrixeración, terminal de carga de barcos, terminal de descarga de ferrocarrís e sistema de almacenamento de amoníaco presurizado.
Verteduras: as augas pluviais potencialmente contaminadas serán recollidas e enviadas a un separador de sólidos e hidrocarburos, previamente á súa vertedura ao mar. As augas fecais serán recollidas nunha fosa séptica estanca. Non se producen verteduras de augas residuais de proceso.
