Mediante a resolución da Dirección Xeral de Recursos Humanos do Servizo Galego de Saúde, do 15 de marzo de 2023 (Diario Oficial de Galicia núm. 60, do 27 de marzo), habilitouse o prazo dun mes para que os/as aspirantes seleccionados/das no proceso selectivo para o ingreso nas categorías de logopeda e terapeuta ocupacional, convocado pola Resolución do 13 de decembro de 2019 (Diario Oficial de Galicia núm. 245, do 26 de decembro), modificado pola Resolución do 21 de decembro de 2020, presentasen a documentación acreditativa do cumprimento dos requisitos da convocatoria.

A base novena da Resolución do 13 de decembro de 2019 (Diario Oficial de Galicia núm. 245, do 26 de decembro), de convocatoria do proceso, dispón que os/as aspirantes que dentro do prazo fixado non presentasen a documentación ou do exame dela se deducise que carecen dalgún dos requisitos para participar no presente proceso selectivo, non poderán ser nomeados/as persoal estatutario fixo e quedarán anuladas as súas actuacións.

A mesma base establece que, comprobada a documentación de todos/as os/as aspirantes aprobados/as, a Dirección Xeral de Recursos Humanos publicará no Diario Oficial de Galicia a relación de aspirantes definitivamente seleccionados/das, as prazas que se lles oferten e o procedemento e prazo para que estes/as manifesten a súa opción polos destinos ofertados.

En virtude do exposto, comprobada a documentación dos/das aspirantes e finalizados os prazos de impugnación administrativa contra a Resolución do 15 de marzo de 2023, pola que se fan públicos os acordos dos tribunais das categorías de logopeda e terapeuta ocupacional, relativos á baremación definitiva da fase de concurso, esta dirección, como órgano convocante do proceso,

RESOLVE:

Primeiro. Publicar como anexo I a relación de aspirantes definitivamente seleccionados/das no concurso-oposición para o ingreso nas categorías de logopeda e terapeuta ocupacional, segundo a orde que, en aplicación das bases da convocatoria, deberá seguirse para os efectos da adxudicación de destino.

Segundo. Aprobar a relación de destinos que se ofertan aos/ás aspirantes seleccionados/as neste proceso, que figura como anexo II da presente resolución.

Terceiro. Abrir un prazo de dez días hábiles contados a partir do seguinte ao desta publicación para que os/as aspirantes que constan no anexo I desta resolución seleccionen telematicamente, a través do sistema de información Fides/expedient-e, os destinos ofertados por orde de prelación

No procedemento de selección de destinos resultarán de aplicación as bases aprobadas pola Resolución do 28 de maio de 2020 (Diario Oficial de Galicia núm. 109, do 5 de xuño).

Os/as aspirantes que, no prazo indicado e conforme o procedemento establecido, non seleccionen ningún destino ou non resulten adxudicatarios/as de ningún polo que optasen, non poderán ser nomeados/as persoal estatutario fixo e quedarán sen efecto todas as súas actuacións neste proceso.

Cuarto. Contra a presente resolución, que pon fin á vía administrativa, poderase interpoñer recurso potestativo de reposición ante este órgano directivo, no prazo dun mes a partir do día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

Santiago de Compostela, 15 de maio de 2023

Ana María Comesaña Álvarez
Directora xeral de Recursos Humanos

ANEXO I

Relación de aspirantes definitivamente seleccionados/as

Logopeda

Nº orde	DNI	Apelidos e nome	Acceso	OPE	Formación	Experiencia	Outras actividades	Total
1	***3633**	Castro Amenedo, Mónica	LI	44,000	8,000	18,000	0,000	70,000
2	***6834**	Mariñas Berdullas, Paula	LI	38,750	8,000	4,400	0,829	51,979
3	***0573**	Vilar López, Salomé	LI	37,500	8,000	6,400	0,050	51,950
4	***3603**	Morán Anllo, María Inmaculada	LI	35,750	8,000	5,053	0,000	48,803
Terapeuta ocupacional
Nº orde	DNI	Apelidos e nome	Acceso	OPE	Formación	Experiencia	Outras actividades	Total
1	***8530**	Lourido Castiñeiras, Diana María	PI	39,875	2,910	15,300	0,000	58,085
2	***6875**	Martínez Gómez, Víctor Manuel	LI	47,875	8,000	20,400	0,000	76,275
3	***7939**	Romero Rodríguez, Nuria	LI	43,125	8,000	24,600	0,000	75,725
4	***4996**	Fontes Mosqueira, Xesús	LI	41,125	8,000	24,900	0,000	74,025
5	***3435**	Fernández Rodríguez, María Rosa	LI	43,875	8,000	18,500	1,000	71,375
6	***2859**	Estévez Abad, Martín	LI	34,250	8,000	28,000	0,000	70,250
7	***7926**	Díaz Seoane, Begoña	LI	41,375	8,000	18,100	1,000	68,475
8	***7339**	Fernández Otero, Beatriz	LI	43,125	8,000	14,600	1,000	66,725
9	***3520**	Roo Tubío, María	LI	41,375	8,000	16,200	0,000	65,575
10	***1912**	Romero Penido, Patricia	LI	40,875	8,000	15,300	1,000	65,175
11	***8906**	Novoa Fente, Martina	LI	42,875	8,000	14,200	0,000	65,075

Acceso: DI: discapacidade xeral; LI: libre; PI: promoción interna.

(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.

ANEXO II

Relación de destinos ofertados

Logopeda
Centro directivo	Centro/s	Quenda	Concello	Núm. prazas
A.S. de Ferrol	Complexo Hospitalario Arquitecto Marcide	-	Ferrol	2
A.S. de Pontevedra e O Salnés	Complexo Hospitalario Universitario de Pontevedra	-	Pontevedra	1
A.S. de Vigo	Complexo Hospitalario Universitario de Vigo	-	Vigo	1
Terapeuta ocupacional
Centro directivo	Centro/s	Quenda	Concello	Núm. prazas
A.S. de Ourense, Verín e O Barco de Valdeorras	Complexo Hospitalario Universitario de Ourense	-	Ourense	2
A.S. de Pontevedra e O Salnés	Complexo Hospitalario Universitario de Pontevedra	-	Pontevedra	2
A.S. de Santiago de Compostela e Barbanza	Complexo Hospitalario Universitario de Santiago de Compostela	-	Santiago de Compostela	4
A.S. de Vigo	Complexo Hospitalario Universitario de Vigo	-	Vigo	3