Vistos os expedientes instruídos para os efectos de transmisión das bateas Martínez III e Martínez V, e das concesións administrativas que as amparan, resulta:
a) Antecedentes:
Primeiro. Mediante escritos do 16 de xaneiro de 2023, Albino Caldas Martínez (***5307**) solicitou autorización para a transmisión mortis causa das concesións administrativas e das bateas Martínez III e Martínez V.
Segundo. O interesado achegou a documentación requirida para a tramitación.
b) Consideracións legais e técnicas:
Primeira. Este órgano é competente para resolver os expedientes, de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro) e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG número 41, do 1 de marzo).
Segunda. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), e demais normas de xeral e pertinente aplicación, esta consellería resolve:
Autorizar a transmisión mortis causa, a favor de Albino Caldas Martínez (***5307**), das concesións administrativas e das bateas que se indican a continuación:
Identificación:
Tipo: batea.
Nome: Martínez III.
Situación:
Cuadrícula número: 42.
Polígono: B.
Distrito: Portonovo (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 17.10.1957.
Remate da vixencia: 15.12.2029.
Actuais titulares: Alberto Caldas Martínez (***6636**) e Josefa Martínez Otero (***7266**).
Novo titular: Albino Caldas Martínez (***5307**).
Identificación:
Tipo: batea.
Nome: Martínez V.
Situación:
Cuadrícula número: 31.
Polígono: B.
Distrito: Portonovo (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 23.9.1960.
Remate da vixencia: 15.12.2029.
Actuais titulares: Alberto Caldas Martínez (***6636**) e Josefa Martínez Otero (***7266**).
Novo titular: Albino Caldas Martínez (***5307**).
O novo titular das concesións queda subrogado nos dereitos e nas obrigas dos anteriores desde o momento da publicación desta resolución no Diario Oficial de Galicia.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE número 167, do 14 de xullo).
Vigo, 3 de maio de 2023
A conselleira do Mar
P.D. (Orde do 21.2.2022)
Sonia Lorenzo Santos
Xefa territorial de Vigo