Para os efectos previstos no artigo 29 da Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro), faise público que por espazo de trinta (30) días hábiles, contados a partir do día seguinte ao da publicación deste anuncio no Diario Oficial de Galicia, quedará exposta a documentación correspondente á solicitude de autorización ambiental integrada e o estudo de impacto ambiental da instalación citada no encabezamento, co fin de que calquera persoa interesada poida consultalos e, de ser o caso, presentar dentro do citado prazo as alegacións, suxestións ou observacións que considere convenientes.
O documento estará á disposición das persoas administradas nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, 15781 Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 28 de abril de 2023
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Memoria resumo
Clave do expediente: 2021-IPPC-I-111.
Peticionaria: Compost Galicia, S.A.
CIF: A32338402.
Enderezo social: Lamas, s/n, 32420 Leiro (Ourense).
Localización da instalación: estrada A Nogueira, s/n, Lamas, 32428 Leiro (Ourense).
Actividade: valorización de residuos non perigosos mediante tratamento biolóxico para a produción de fertilizantes.
Epígrafe de actividade (autorización ambiental integrada): anexo I, 5.4.a).
Descrición: o proxecto consiste nunha ampliación da planta existente de valorización de residuos non perigosos para incrementar a súa capacidade produtiva, configurando un novo parque de maduración acelerada cuberto e adecuando as zonas de tránsito e manobra, así como as capacidades de depuración de augas potencialmente contaminadas recollidas nas zonas de tránsito da instalación.
A capacidade de tratamento de residuos orgánicos incrementarase ata as 43.390 tn/ano de residuos.
As verteduras que se xerarán na instalación correspóndense con:
– Augas pluviais: son recollidas nos tellados das naves a través das tubaxes e son reconducidas seguindo o escoamento natural fóra da parcela.
– Augas pluviais contaminadas: son recollidas e canalizadas ao sistema de tratamento da EDAR da instalación antes da súa vertedura ao medio por infiltración.
– Augas residuais industriais de lavado de camións: recóllense en dúas cuñas xunto ao lavadoiro e son tratadas na EDAR antes da súa vertedura ao medio por infiltración.
– Augas residuais industriais procedentes dos lixiviados: condúcense ao foxo de biosólidos, onde se mesturan con outros residuos e son xestionados no propio proceso de compostaxe.
– Augas residuais sanitarias procedentes dos aseos das oficinas e das duchas e aseos da nave de compostaxe: son recollidas e conducidas ao foxo de recepción de biosólidos.
