A Xunta de Goberno Local, na sesión celebrada o 14 de abril de 2023, acordou aprobar inicialmente a modificación do estudo de detalle (aprobado definitivamente polo Pleno do Concello en sesión do 6 de novembro de 2008 e publicado o acordo de aprobación definitiva no BOP do 5 de decembro de 2008 e no DOG do 16 de decembro de 2008) das parcelas de resultado núm. 1, 2 e 3 do proxecto de equidistribución do polígono de execución do SUR-9 (correspondente aos terreos situados entre o arroio Río Cigüeño, a rúa Soto Yáñez, o chan urbano consolidado con fronte á rúa A Veiguiña e a avenida do Bierzo, xunto cunha pequena franxa de terreo situado á marxe contraria da avenida do Bierzo). Esta modificación está redactada por OAU Oficina de Arquitectura, Urbanismo e Planificación, S.L.P. por instancia de Inversións Inmobiliarias Canvives, S.A.U.

Conforme o establecido non artigo 80 da Lei 2/2016, do 10 de febreiro, do solo de Galicia, e nos artigos 194.2 e 207 do seu regulamento, a documentación estará exposta ao público no taboleiro de anuncios da sede electrónica do Concello (https://www.sede.concellodobarco.org/edictos-anuncios/) e na sección de transparencia (https://www.sede.concellodobarco.org/transparencia/transparencia/exposicions).

Tamén poderá consultarse fisicamente nas dependencias do Departamento de Urbanismo no edificio núm. 2 da praza do Concello da vila do Barco, das 9.00 ás 14.00 horas.

O prazo de exposición pública será dun mes, contado a partir do día seguinte ao da última das publicacións deste anuncio no Diario Oficial de Galicia ou nun dos xornais de maior difusión na provincia. Neste prazo calquera persoa poderá examinar o estudo de detalle e presentar alegacións, suxestións ou documentos que consideren oportunos.

O Barco de Valdeorras, 18 de abril de 2023

Alfredo L. García Rodríguez
Alcalde