O Pleno deste concello, en sesión do 30 de marzo de 2023, aprobou inicialmente o proxecto de expropiación forzosa, polo procedemento de taxación conxunta, dos bens e dereitos afectados pola execución do Plan especial de infraestruturas e dotacións para a implantación dun centro de saúde en Soutomaior, redactado pola empresa Estudio Técnico Gallego, S.A. en marzo de 2023.

De acordo co previsto no artigo 118.3 da Lei 2/2016, do 10 de febreiro, do solo de Galicia, sométese a información pública a documentación do proxecto de expropiación forzosa, polo procedemento de taxación conxunta, dos bens e dereitos afectados pola execución do Plan especial de infraestruturas e dotacións para a implantación dun centro de saúde en Soutomaior, polo prazo dun mes, contados a partir do día seguinte ao da publicación deste anuncio no Diario Oficial de Galicia.

Durante o dito período quedará o expediente á disposición de calquera que o queira examinar ou obter copias, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade e/ou valoración dos seus respectivos dereitos, e estará á disposición dos/das interesados/as na sede electrónica deste concello: http://soutomaior.sedelectronica.es

O presente anuncio servirá de notificación aos interesados, no caso de que non se poida efectuar a notificación persoal do outorgamento do trámite de audiencia.

Soutomaior, 17 de abril de 2023

Agustín Reguera Ocampo
Alcalde