«En cumprimento do previsto no punto quinto da Instrución 4/2011, do 24 de marzo da Xunta Electoral Central (XEC), de interpretación do artigo 66 de Lei orgánica do réxime electoral xeral (LOREX) no relativo a recursos contra os plans de cobertura informativa da campaña electoral, disponse a publicación, no Diario Oficial de Galicia, da comunicación do director do Centro Territorial da Corporación de Radio y Televisión Española en Galicia, en relación co Plan de cobertura informativa da Corporación de RTVE Galicia para as eleccións convocadas para o próximo día 28 de maio de 2023 e que inclúe a previsión de informativos territoriais e entrevistas que se realizarán coas forzas políticas, e que emitirán ambos os medios, con indicación da data e da hora de emisión, entidades políticas ás cales se convida e a súa duración.
De conformidade co establecido na mencionada instrución, as entidades políticas afectadas poderán examinar a dita programación nas dependencias desta xunta electoral provincial, no prazo preclusivo dun día desde a publicación do acordo, e formular as reclamacións ou os rec+ursos que xulguen pertinentes.
Así mesmo, independentemente do anterior, acórdase notificárllelo aos representantes das candidaturas proclamadas, vía correo electrónico e con remisión do plan, co fin de que poidan ter coñecemento del e, de ser o caso, formular as reclamacións ou recursos que xulguen oportunos no indicado prazo dun día contado desde a publicación do acordo no Diario Oficial de Galicia».
A Coruña, 3 de maio de 2023
Emilio-Benjamín Fernández Castro
Secretario da Xunta Electoral Provincial