A Lei 14/2007, do 30 de outubro, pola que se crea e regula o Instituto Galego de Seguridade e Saúde Laboral, regula no seu artigo 16 a composición e o procedemento de nomeamento das persoas vogais do Consello Galego de Seguridade e Saúde Laboral.

Conforme o previsto na devandita lei, a Confederación de Empresarios de Galicia (CEG) realizou proposta de designación e de cesamento.

En consecuencia, no exercicio das atribucións conferidas, de conformidade co disposto no artigo 34 da Lei 1/1983, do 22 de febreiro, de normas reguladoras da Xunta e da súa Presidencia,

RESOLVO:

Artigo único. Substitución de vogais

Por proposta da Confederación de Empresarios de Galicia (CEG):

En calidade de titulares:

a) Disponse o cesamento de Jorge Somoza Lázare e Javier Martínez López.

b) Disponse o nomeamento de Javier Iglesias Sanjurjo e Purificación Martínez Cobas.

En calidade de suplentes:

a) Disponse o cesamento de Jesús Ovidio Pérez Reñones.

b) Disponse o nomeamento de Jaime Villaverde Hevia.

Disposición derradeira única. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 25 de abril de 2023

María Jesús Lorenzana Somoza
Conselleira de Promoción do Emprego e Igualdade