A Xunta de Goberno local, na sesión que tivo lugar o 29 de marzo de 2023, acordou aprobar inicialmente o documento denominado Estudo de detalle para a ordenación de volumes no ámbito EL-8/QG do PXOM da Coruña. Xaneiro 2023, promovido pola Axencia Galega de Infraestruturas e redactado por Monteoliva Arquitectura, S.L.P.

En cumprimento do artigo 80.2 da Lei 2/2016, do 10 de febreiro, do solo de Galicia, e dos artigos 194.2 e 207 do seu regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o estudo de detalle e formular as alegacións que considere convenientes.

A documentación estará á disposición no taboleiro de anuncios da sede electrónica do Concello na epígrafe de información urbanística; na web de Urbanismo, na epígrafe exposición pública, e no visor Desenvolvemento do planeamento. Tamén poderá consultarse fisicamente nas dependencias da Área de Urbanismo, Vivenda, Infraestruturas e Mobilidade do Concello da Coruña (praza de Indalecio Prieto, 1-3), Departamento de Planeamento, das 9.00 ás 13.00 horas, de luns a venres.

A Coruña, 4 de abril de 2023

A alcaldesa
P.D. (Decreto 3847/2019, do 27 de xuño)
Francisco Dinís Díaz Gallego
Concelleiro delegado de Urbanismo, Vivenda, Infraestruturas e Mobilidade