Visto o expediente instruído para os efectos de transmisión da metade indivisa da batea Álvarez II e da concesión administrativa que a ampara, resulta:

a) Antecedentes:

Primeiro. Mediante escrito de 27 de febreiro de 2022, Juan Carlos Ozores Hermo solicitou autorización para a transmisión mortis causa da metade indivisa da concesión administrativa e da batea Álvarez II.

Segundo. A persoa interesada achegou a documentación requirida para a tramitación.

b) Consideracións legais e técnicas:

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro), e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión mortis causa, a favor de Juan Carlos Ozores Fernández (***8000**), da metade indivisa da concesión administrativa e do establecemento que se indica a seguir:

Identificación:

Tipo: batea.

Nome: Álvarez II.

Situación:

Cuadrícula nº: 22.

Polígono: C.

Distrito: Ribeira (A Coruña).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 30.10.1964.

Remate da vixencia: 15.12.2029.

Actuais titulares: Ernesto Ozores Hermo (***5386**), (50 %) e Juan Carlos Ozores Hermo, (***5275**), (50 %).

Novos titulares: Ernesto Ozores Hermo (***5386**), (50 %) e Juan Carlos Ozores Fernández (***8000**), (50 %).

Os novos titulares da concesión quedan subrogados nos dereitos e nas obrigas dos anteriores.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 28 de marzo de 2023

A conselleira do Mar
P.D. (Orde do 21.2.2022)
María José Cancelo Baquero
Xefa territorial da Coruña