En cumprimento do disposto no artigo 18 do Decreto 4/2015, do 8 de xaneiro, polo que se regula a declaración de festas de interese turístico de Galicia, a Dirección da Axencia de Turismo de Galicia dispón que se publique no Diario Oficial de Galicia o acordo adoptado polo Consello da Xunta de Galicia, na súa reunión do 30 de marzo de 2023, que a seguir se transcribe:

«Declarar festas de interese turístico de Galicia, de conformidade co establecido no Decreto 4/2015, do 8 de xaneiro, polo que se regula a declaración de festas de interese turístico de Galicia, o Entroido de Foz (Lugo) e o Enterro da Sardiña de Marín (Pontevedra)».

Santiago de Compostela, 4 de abril de 2023

Mª Nava Castro Domínguez
Directora da Axencia de Turismo de Galicia