En cumprimento do disposto no artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras, sométese ao trámite de información pública o proxecto de rehabilitación e abandono definitivo de labores da concesión de explotación derivada de permiso de investigación Doña Gloria nº 2398 (PO/C/02398), situada no concello das Neves, da provincia de Pontevedra, denominado Proxecto refundido de restauración de solos e zonas afectadas pola minería na concesión de explotación derivada do permiso de investigación Doña Gloria nº 2398 (PO/C/02398), As Neves, Pontevedra (código GAL10), con cargo ao investimento i3 restauración de ecosistemas e infraestrutura verde da compoñente 4 do Plan de recuperación, transformación e resiliencia (PRTR), financiado pola Unión Europea-Next Generation EU, elaborado pola Empresa de Transformación Agraria, S.A., S.M.E., M.P. (Tragsa), por encargo ao medio propio personificado realizado pola Vicepresidencia Primeira e Consellería de Economía, Industria e Innovación na data 2.11.2022, ao seu favor, xunto coa documentación relativa ao desmantelado do establecemento de beneficio asociado á concesión, dada a situación de liquidación da empresa titular do dereito mineiro.

Todas aquelas persoas ou entidades que se consideren afectadas poderán examinar o expediente no portal da Vicepresidencia Primeira e Consellería de Economía, Industria e Innovación (http://ceei.xunta.gal/transparencia/documentos-sometidos-a-informacion-publica), e alegar por escrito todo o que crean oportuno, achegándoas en calquera oficina das previstas no artigo 16.4 da Lei 39/2015, do 1 de outubro, do procedemento administrativo común das administracións públicas. Para iso terán un prazo de trinta (30) días hábiles, que comenzará o día seguinte ao da súa publicación no Diario Oficial de Galicia, segundo o establecido polo artigo 6 do Real decreto 975/2009, do 12 de xuño, sobre xestión dos residuos das industrias extractivas e de protección e rehabilitación do espazo afectado por actividades mineiras.

Pontevedra, 27 de marzo de 2023

Beatriz López del Olmo
Xefa territorial de Pontevedra