Publicado anuncio da Universidade de Santiago de Compostela no DOG do 5 de abril (páxina 22493), polo que se dá publicidade da convocatoria, por concurso público, de prazas de persoal docente e investigador contratado, e advertido erro xa que o contido non se corresponde co título do anuncio, é preciso substituír o texto do dito anuncio, dado que a convocatoria de prazas é nas categorías de profesor axudante doutor e profesor asociado (54 prazas de profesor axudante doutor e 56 prazas de profesor asociado). O texto correcto do anuncio é:

De conformidade co disposto na Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril; no Decreto 266/2002, do 6 de setembro, da Xunta de Galicia, sobre contratación de profesorado universitario; nos estatutos da Universidade de Santiago de Compostela, aprobados polo Decreto 14/2004, do 30 de xaneiro, da Xunta de Galicia; no II Convenio colectivo para o persoal docente e investigador das universidades da Coruña, Santiago de Compostela e Vigo, e no Regulamento de selección de profesorado non permanente, aprobado polo Acordo do Consello de Goberno da USC do 7 de febreiro de 2020, esta reitoría fai público que, pola Resolución do 30 de marzo de 2023, en execución do acordo de Consello de Goberno da mesma data, convócase concurso público para a contratación de persoal docente e investigador nas seguintes categorías:

– Profesorado axudante doutor: 54 prazas.

– Profesorado asociado: 56 prazas.

A relación de prazas convocadas e as bases completas da convocatoria pódense consultar no taboleiro electrónico da Universidade de Santiago de Compostela https://sede.usc.es/sede/publica/taboleiro/inicio.htm e na páxina web https://www.usc.gal/gl/institucional/goberno/area/xestionpersoal/PDI/convocatorias/pditemporal

As solicitudes deberán presentarse, a través do procedemento indicado nas bases da convocatoria, no prazo de dez días hábiles contados a partir do seguinte ao da publicación desta corrección de erros no Diario Oficial de Galicia (DOG).

Os sucesivos anuncios referentes a esta convocatoria, segundo proceda de conformidade coas bases, publícanse no taboleiro electrónico https://sede.usc.es/sede/publica/taboleiro/inicio.htm e na páxina web https://www.usc.gal/gl/institucional/goberno/area/xestionpersoal/PDI/convocatorias/pditemporal