O director da Axencia de Protección da Legalidade Urbanística ditou, o día 28 de febreiro de 2023, resolución pola que se declara que as obras de recheo de terras e a construción dun muro de contención, executadas sobre terreos destinados a vía, sitos no lugar de Lires, 147, no termo municipal de Cee, provincia da Coruña, son ilegalizables, por seren incompatibles co ordenamento urbanístico, e se ordena a demolición e a reposición dos terreos.
Ao non poderse realizar a notificación persoal desta resolución ás persoas titulares dos documentos nacionais de identidade número 53164591-E e 46905575-L, na súa condición de propietarios dos terreos lindeiros afectados pola orde de reposición dos terreos, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles ás persoas interesadas a dita resolución por medio dun anuncio publicado no Boletín Oficial del Estado.
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, fáiselles saber ás persoas interesadas que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.
Contra a dita resolución, que pon fin á vía administrativa, as persoas interesadas poden interpor recurso de reposición no prazo dun mes, contado a partir do día seguinte a aquel en que se producise a notificación, ante o director da Axencia de Protección da Legalidade Urbanística, ou ben, se non exercen o seu dereito a presentar recurso potestativo de reposición, poden interpor directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lles sirva de notificación ás persoas interesadas, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 22 de marzo de 2023
Jacobo Hortas García
Director da Axencia de Protección da Legalidade Urbanística