Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: Eléctrica de Moscoso, S.L.

Domicilio social: avenida do Concello, 21, 36830 A Lama.

Denominación: LMTS e CT San Vicente II.

Situación: Fornelos de Montes.

Características técnicas: liña de media tensión subterránea (LMTS) a 20 kV, con condutor RHZ1, de 711 metros de lonxitude, con orixe no centro de manobra San Vicente (EMC04S), no cal se instala unha cela de liña, e final no centro de transformación proxectado. Centro de transformación a 100 kVA, con RT 20 kV/420 V, situado en San Vicente. A instalación está situada no lugar de San Vicente, parroquia de Oitavén, no municipio de Fornelos de Montes (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, sita na avenida María Victoria Moreno 43, 36003 Pontevedra, no prazo máximo de trinta días a partir da última publicación ou notificación individual.

O proxecto encóntrase á disposición do público para a súa consulta no portal da Vicepresidencia Primeira e Consellería de Economía, Industria e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 9 de marzo de 2023

Beatriz López del Olmo
Xefa territorial de Pontevedra

ANEXO

Nº expediente: IN407A 2023/052-4.

Denominación: LMTS e CT San Vicente II.

Concello: Fornelos de Montes.

Nº	Lugar	Cultivo	Referencia catastral	Titular	CT (m2)
1	Pomar	Labor	36019A007000940000EK	Marino Rodríguez Garrido	58,00